ତାଳଚେର, ୫ା୪(ନି.ପ୍ର.)- ଏନଟିପିସି କଣିହାଁ ବିଦ୍ୟୁତ ପ୍ରକଳ୍ପ ପକ୍ଷରୁ ଏହାର କର୍ମଚାରୀ, ଠିକା ଶ୍ରମିକ, ଟାଉନଶିପ୍ ଏବଂ ଏହାର ଆଖପାଖ ଅଞ୍ଚଳବାସୀଙ୍କୁ କରୋନା ସଂକ୍ରମଣରୁ ସୁରକ୍ଷିତ ରଖିବା ପାଇଁ ମାସ୍କ ବଣ୍ଟନ କରାଯାଇଛି । କମ୍ପାନୀର ସାମାଜିକ ଦାୟିତ୍ୱ ବୋଧ ଯୋଜନାରେ ଏନଟିପିସି କର୍ତ୍ତୃପକ୍ଷ ସ୍ଥାନୀୟ ଗଦାଶିଳା ପଞ୍ଚାୟତରେ ୫ ଶହ କଟନ୍ ମାସ୍କ, ଟାଉନଶିପ ଓ ଏହାର ଆଖପାଖ ଗ୍ରାମର ବିଭିନ୍ନ ବ୍ୟବସାୟୀ, ପରିବା ଓ ଫଳ ଦୋକାନୀମାନଙ୍କୁ ୨ ଶହ ମାସ୍କ ପ୍ରଦାନ କରିଛନ୍ତି । ଏଥିସହ କରୋନା ସଂକ୍ରମଣ ରୋକିବା ପାଇଁ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରାଯିବା ସହ ରାସ୍ତାଘାଟକୁ ବିଶୋଧନ କରିବା ପାଇଁ କମ୍ପାନୀ ପକ୍ଷରୁ ପଦକ୍ଷେପ ନିଆଯିବାକୁ ସ୍ଥିର ହୋଇଛି । ମାସ୍କ ବଣ୍ଟନ ସମୟରେ ଲୋକଙ୍କୁ ସଚେତନ ରହିବାକୁ ପରାମର୍ଶ ଦିଆଯାଇଥିଲା । ଦେଶରେ ଏନଟିପିସିର ବିିଭିନ୍ନ ବିଦ୍ୟୁତ୍ ପ୍ରକଳ୍ପ କେନ୍ଦ୍ର ପକ୍ଷରୁ କରୋନା ସଂକ୍ରମଣକୁ ପ୍ରତିହତ କରିବାକୁ କେନ୍ଦ୍ରୀୟ ଶକ୍ତି (ରାଷ୍ଟ୍ର ପାହ୍ୟା) ମନ୍ତ୍ରୀ ଆର. କେ. ସିଂଙ୍କ ପରାମର୍ଶ କ୍ରମେ ବିଭିନ୍ନ ପଦକ୍ଷେପ ନିଆଯାଉଥିବା ଏନଟିପିସି ପକ୍ଷରୁ ଜାରି ପ୍ରେସ ବିବୃତ୍ତିରେ କୁହାଯାଇଛି ।