କର୍ଲାମୁଣ୍ଡା୧୬।୫(ଡି.ଏନ.ଏ.)-କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବିଭିନ୍ନ କ୍ୱାରାଣ୍ଟାଇନ ସେଣ୍ଟରେ ୨୦୮ ଜଣ ପ୍ରବାସୀ ଓଡିଆଙ୍କୁ ସୁରକ୍ଷିତ ରଖାଯାଇଛି। ଶନିବାର ୩୧ ଜଣ ପ୍ରବାସୀ ତାମିଲନାଡୁରୁ ରିଷିଡା ଫେରିବା ପରେ ବିଡିଓ ପ୍ରିୟଦର୍ଶନୀ ମିର୍ଦ୍ଧା, ସରପଞ୍ଚ ସରସ୍ବତୀ ମାଝୀ, ପିଇଓ କ୍ଷିରସିନ୍ଧୁ ରଣା, ଜିଆରଏସ ହଜାନନ୍ଦ ଗହୀର, ଫାଣ୍ଡି ଅଧିକାରୀ ଲବରାମ ଛତ୍ରିଆ, ଡା. ଶିଖିଧ୍ୱଜ ପଟେଲ ପ୍ରମୁଖ ସ୍ବାଗତ ଜଣାଇଥିଲେ। ପରେ ସେମାନଙ୍କୁ ରିଷିଡାରେ ଥିବା କ୍ୱାରାଣ୍ଟାଇନ କେନ୍ଦ୍ରରେ ରଖାଯାଇଛି। ସେହିପରି ପୌରକେଲାଠାରେ ପୂର୍ବରୁ ୬ ଜଣ କ୍ୱାରାଣ୍ଟାଇନରେ ଥିବାବେଳେ ଶନିବାର ୨୪ଜଣ ପ୍ରବାସୀଙ୍କୁ ରଖାଯାଇଛି। ଏହାପୂର୍ବରୁ ଗଜବାହାଲ ୭୮, ରିଞ୍ଜାଠାରେ ୪୭, ଯୋରାଡବରାଠାରେ ୧୪, ବୋରପଦର ପଞ୍ଚାୟତ ସରାବାହାଲିଠାରେ ୮ ଜଣ ପ୍ରବାସୀଙ୍କୁ କ୍ୱାରାଣ୍ଟାଇନ କେନ୍ଦ୍ରରେ ରଖାଯାଇଥିବା ଜଣାପଡିଛି।
