କଲର୍ଫୁଲ୍ ସ୍ନିକର୍ସ ଏତେ ଭର୍ସାଟାଇଲ୍ ଯେ ଏହାକୁ ଯେ କୌଣସି ଆଉଟ୍ଫିଟ୍ ସହ ପେୟାର୍ କରି ପିନ୍ଧିହେବ।
ତା’ଛଡ଼ା ଏଥିରେ ମଇଳା ଲାଗିଲେ ସହଜରେ ଜଣା ପଡୁ ନ ଥିବାରୁ ଏହାକୁ ସଫା କରିବାକୁ ନେଇ ବେଶି ଟେନ୍ସନ ବି ନ ଥାଏ…
ସ୍ନିକର୍ସ ଏମିତି ଏକ ସୁ’, ଯାହାକୁ ପିନ୍ଧିଲେ କମ୍ଫଟେବଲ୍ ଲାଗିବା ସହ ଷ୍ଟାଇଲିଶ୍ ଲୁକ୍ ବି ମିଳିଥାଏ। ପୂର୍ବେ କେବଳ ଧଳା ରଙ୍ଗର ସ୍ନିକର୍ସ ହିଁ ମାର୍କେଟ୍ରେ ମିଳୁଥିଲା। କିନ୍ତୁ ପରିବର୍ତ୍ତିତ ସମୟାନୁସାରେ, ଏହା ବିଭିନ୍ନ ରଙ୍ଗରେ ମାର୍କେଟ୍ରେ ଉପଲବ୍ଧ ହେଲା। ଏବେ ତ କଲର୍ଫୁଲ୍ ସ୍ନିକର୍ସର ଚାହିଦା କାହିଁରେ କେତେ।
କାହିଁକି ପିନ୍ଧାଯାଏ କଲର୍ଫୁଲ୍ ସ୍ନିକର୍ସ
କଲର୍ଫୁଲ୍ ସ୍ନିକର୍ସର ଡିମାଣ୍ଡ ସବୁବେଳେ ରହିଥାଏ। କାରଣ ଏଥିରେ ମଇଳା ଲାଗିଲେ ସହଜରେ ଜଣାପଡି ନ ଥାଏ। ଫଳରେ ଏହାକୁ ସଫା କରିବାକୁ ନେଇ ଅଧିକ ଟେନ୍ସନ୍ ନେବାକୁ ପଡେନାହିଁ। ଦ୍ୱିତୀୟରେ ଏହା ଏତେ ଭର୍ସାଟାଇଲ୍ ହୋଇଥାଏ ଯେ ଏହାକୁ ଯେ କୌଣସି ଆଉଟ୍ଫିଟ୍ ସହ ପେୟାର କରି ପିନ୍ଧିହୁଏ। ଖାସ୍ କରି ସ୍କର୍ଟ, ଓ୍ବାନ୍ ପିସ୍ ଡ୍ରେସ୍, ଡେନିମ୍, ସଟର୍ସ ତଥା ପ୍ରାୟ ସବୁ ଓ୍ବେଷ୍ଟର୍ନ ଓ ଇଣ୍ଡିଆନ୍ ଆଉଟ୍ଫିଟ୍ ସହ ଏହା ଭଲ ମାନିଥାଏ। ଆଜିକାଲି ତ ଦେଖିବାକୁ ମିଳୁଛି କିଛି ଯୁବତୀ ଶାଢୀ ତଥା ଲେହେଙ୍ଗା ସହିତ ବି ଏହାକୁ ପେୟାର୍ କରି ଟିକେ ଡିଫରେଣ୍ଟ ଲୁକ୍ ପାଇବାକୁ ଟ୍ରାଏ କରୁଛନ୍ତି। ତେବେ କେଉଁ କଲର୍ର ସ୍ନିକର୍ସ ସହିତ କେଉଁ ଆଉଟ୍ଫିଟ୍ ବେଶି ଭଲ ମାନିଥାଏ, ଆସନ୍ତୁ ଜାଣିବା ସେ ସମ୍ପର୍କରେ…
କିଛି ଟିପ୍ସ:
*ଗ୍ରେ ତଥା ପେଷ୍ଟାଲ କଲର୍ ସ୍ନିକର୍ସ ପ୍ରାୟ ସବୁ ରଙ୍ଗର ଆଉଟ୍ଫିଟ୍ ସହ ବେଶ୍ ଭଲ ମାନିଥାଏ। କେହି କେହି ତ ଗ୍ଲିଟର୍ ଟପ୍ସ ସହିତ ବି ମ୍ୟାଚିଂ ସ୍ନିକର୍ସ ପିନ୍ଧି ପାର୍ଟିକୁ ଯାଉଥିବାର ଦେଖିବାକୁ ମିଳୁଛି।
*ହାଲ୍କା ରଙ୍ଗର ଆଉଟ୍ଫିଟ୍ ସହ ଟିକେ ଗର୍ଜିୟସ୍ କଲର୍ର ସ୍ନିକର୍ସ ପିନ୍ଧିଲେ, ଏହା ଟିକେ ଟ୍ରେଣ୍ଡି ଲୁକ୍ ଦେଇଥାଏ।
*ସେହିପରି ଇନ୍ଦ୍ରଧନୁ ପରି ମଲ୍ଟିକଲର୍ର ସ୍ନିକର୍ସ ବି ମାର୍କେଟ୍ରେ ଉପଲବ୍ଧ ହେଲାଣି। ଏହାକୁ ପିନ୍ଧିଲେ ମିଜାଜ୍ ବି ରଙ୍ଗିନ ହୋଇଗଲା ପରି ଅନୁଭବ ହୋଇଥାଏ। ଖାସ୍ କରି ମିଡ୍ ଲେନ୍ଥ ଡ୍ରେସ୍ ଓ ଡେନିମ୍ ପ୍ୟାଣ୍ଟ୍ସ ସହ ଏହା ପରଫେକ୍ଟ ମ୍ୟାଚ୍ କରିଥାଏ।
*ଅନ୍ୟପକ୍ଷେ ଯେଉଁ କଲର୍ଫୁଲ୍ ସ୍ନିକର୍ସରେ ଧଳା ରଙ୍ଗର ବ୍ୟବହାର ଟିକେ ଅଧିକ ହୋଇଥାଏ, ତାକୁ ଆଉଟ୍ଡୋର୍ ଅପେକ୍ଷା ଇନ୍ଡୋର୍ ପାର୍ଟିରେ ପିନ୍ଧିଲେ ହିଁ ଠିକ୍ ରହିଥାଏ।
*ପାର୍ଟି ପାଇଁ ଆପଣ ଚାହିଁଲେ କଳା ରଙ୍ଗର ଓ୍ବାନ୍ପିସ୍ ଡ୍ରେସ୍ ସହିତ ମ୍ୟାଚିଂ କରି କଳା ରଙ୍ଗର ସ୍ନିକର୍ସ ପିନ୍ଧିପାରିବେ, ଏହା ଗ୍ଲାମରସ ଲୁକ୍ ଦେବ।
*ଅନ୍ୟପକ୍ଷେ ପେଷ୍ଟାଲ୍ କଲର୍ ପ୍ୟାଣ୍ଟ ସହିତ ନାଲି କିମ୍ବା ଗୋଲାପୀ ରଙ୍ଗର ସ୍ନିକର୍ସ ବି ଭଲ ମାନିଥାଏ।
*ସେହିପରି ଯେ କୌଣସି ବ୍ରାଇଟ୍ କଲର୍ର ସ୍ନିକର୍ସ ହେଉନା କାହିଁକି ତାହାକୁ ବ୍ଲାକ୍ କିମ୍ବା ଗ୍ରେ କଲର୍ର ଆଉଟ୍ଫିଟ୍ ସହ ପିନ୍ଧିଲେ, ଏହା କିଛି ଖରାପ ଦେଖାଯାଏ ନାହିଁ। ତେଣୁ ଆଉ ଡେରି କାହିଁକି କଲର୍ଫୁଲ୍ ସ୍ନିକର୍ସ ପିନ୍ଧି ଟ୍ରେଣ୍ଡି ଲୁକ୍ ପାଇବାକୁ ଏବେ ପ୍ରସ୍ତୁତ ହୋଇଯାଆନ୍ତୁ ନା!