ଗଣିଆ,୬ା୧୧(ଡି.ଏନ.ଏ.): ନୟାଗଡ଼ ଜିଲା ଗଣିଆ ଥାନା ମଣିଭଦ୍ରା ପର୍ବତ ପାଦଦେଶରେ ଥିବା ମା’ କଳାପାଟ ପୀଠ ପରିସରରୁ ସୋମବାର ସକାଳୁ ଜଣେ ବୃଦ୍ଧଙ୍କ ମୃତଦେହକୁ ପୋଲିସ ଉଦ୍ଧାର କରିଥିଲା। ମଙ୍ଗଳବାର ହତ୍ୟାକାରୀ ପୁଅଙ୍କୁ ପୋଲିସ ଗିରଫ କରିଛି। ସେ ହେଲେ ଗୋପୀନାଥ ବାରିକ ଓରଫ ଲଣ୍ଡା (୪୦)। ପାରିବାରିକ କଳହକୁ ନେଇ ନିଶାସକ୍ତ ଅବସ୍ଥାରେ ସେ ନିଜ ବାପାଙ୍କୁ ହତ୍ୟା କରିଥିବା ପୋଲିସ ଆଗରେ ସ୍ବୀକାର କରିଛନ୍ତି। ଗିରଫ ପରେ ଗୋପୀନାଥଙ୍କୁ କୋର୍ଟ ଚାଲାଣ କରାଯାଇଥିଲା। ସେଠାରେ ଜାମିନ ନାମଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ମିଳିଥିବା ସୂଚନା ଅନୁଯାୟୀ ଗୟାଧର ଛାମୁଣ୍ଡିଆ ବଜାରରେ ଏକ ସେଲୁନ କରି ଗୁଜୁରାଣ ମେଣ୍ଟାଉଥିଲେ ା ଘରଠାରୁ କେଇ ହାତ ଦୂରରେ ନିଜ ଘରେ ଗୟାଧରଙ୍କ ସ୍ତ୍ରୀ ଓ ସାନପୁଅ ଗୋପୀନାଥ ରହୁଥିଲେ ା ବିଭିନ୍ନ ସମୟରେ ପାରିବାରିକ କଳହକୁ ନେଇ ଗୟାଧର କିଛିଦିନ ଧରି ସେଲୁନରେ ରହିଆସୁଥିଲେ। ରବିବାର ରାତି ୯ଟା ପରେ ପୁଣିଥରେ କଳହ ଯୋଗୁ ଗୟାଧର ଘରଛାଡି ପଳାଇଯିବା ପାଇଁ ସେଲୁନରୁ ବାହାରିଆସିଥିଲେ। ଗୟାଧରଙ୍କୁ ପିଛା କରି ପୁଅ ଗୋପୀନାଥ ନିଶାସକ୍ତ ଅବସ୍ଥାରେ ଘରଠାରୁ ୪କି.ମି. ଦୂର କଳାପାଟ ପୀଠ ପରିସରରେ ପହଞ୍ଚତ୍ଥିଲେ। ସେଠାରେ ଥିବା ମାଟିଘୋଡା ସାହାଯ୍ୟରେ ସେ ଅତର୍କିତ ଭାବେ ଗୟାଧରଙ୍କ ମୁଣ୍ଡକୁ ପିଟି ପିଟି ମାରିଦେଇଥିଲେ। ହତ୍ୟାକାଣ୍ଡ ଘଟାଇ ଗୟାଧର ପିନ୍ଧିଥିବା ଲୁଙ୍ଗିକୁ ଗୋଡଠାରୁ ମୁଣ୍ଡ ପର୍ଯ୍ୟନ୍ତ ଘୋଡାଇ ସେ ଘରକୁ ଫେରିଆସିଥିଲେ।