ଭବାନୀପାଟଣା,୫।୨(ଡି.ଏନ୍.ଏ.): ବୁଧବାର ପଶ୍ଚିମ ଓଡ଼ିଶା ବନ୍ଦ ଡାକରା ଦିଆଯାଇ ଥିବା ବେଳେ କଳାହାଣ୍ଡି ଜିଲା ଏଥିରେ ସାମିଲ ହୋଇ ନାହିଁ। ମାତ୍ର କଳାହାଣ୍ଡି ବନ୍ଦ ପାଳନ ପରିବର୍ତ୍ତେ ପଶ୍ଚିମ ଓଡ଼ିଶା ଓକିଲ ସଂଘ ଦାବିକୁ ସମର୍ଥନ ଜଣାଇ ଜିଲା ଓକିଲ ସଂଘ ବୁଧବାର ଭବାନୀପାଟଣା ସମେତ ଜିଲାର ସମସ୍ତ କୋର୍ଟ ବର୍ଜନ କରିଛନ୍ତି। ଏହି ବନ୍ଦରେ କଳାହାଣ୍ଡି ଓକିଲ ସଂଘ ସାମିଲ ହୋଇ ଏହାକୁ ସଫଳ କରିବା ପାଇଁ ବଲାଙ୍ଗୀର ଓ ସମ୍ବଲପୁର ଓକିଲ ସଂଘ ମିଳିତ ଭାବେ ଅନୁରୋଧ କରିଥିଲେ। ଏହି ଦୁଇ ଜିଲା ଓକିଲ ସଂଘର ଅନୁରୋଧକୁ ସମ୍ମାନ ଜଣାଇ ଏବଂ ପଶ୍ଚିମ ଓଡ଼ିଶା ଓକିଲ ସଂଘ କୋର୍ଟ କାର୍ଯ୍ୟ ବନ୍ଦ କରିଛି।