ନିଜ ସ୍ବପ୍ନର ଘରକୁ ସୁନ୍ଦରକରି ତୋଳିବାକୁ ସମସ୍ତେ ଚାହାନ୍ତି। ତେଣୁ ବିଭିନ୍ନ ସ୍ଥପତିଙ୍କ ସାହାଯ୍ୟ ବି ନିଅନ୍ତି। ତେବେ ଏମିତି ଜଣେ ସ୍ଥପତି ଅଛନ୍ତି, ଯେ ଘରକୁ ଏଭଳି ଲୁକ୍ ଦେଇପାରିବେ, ଯାହା ହୋଇଯିବ ଗୋଟେ ଗୋଟେ ସପ୍ତ ଆଶ୍ଚର୍ଯ୍ୟ ଭଳି। କେବେ ଆପଣ ତରଳି ବୋହି ଯାଉଥିବା ଭଳି ଘର, ଓଲଟା ଠିଆ ହୋଇଥିବା ଘର, ଚେନ୍ ଦ୍ୱାରା କାନ୍ଥ ଖୋଲି ଯାଉଥିବା ଭଳି ଘର, ଘରର ମଝିରୁ ଭାଙ୍ଗି ବିନା ସାହାରାରେ ଝୁଲି ରହିଥିବା ଖମ୍ବ, କାନ୍ଥ ଦେଖିଛନ୍ତି? ଏହି ଘରସବୁ ଏହି ସ୍ଥପତି ହିଁ ତିଆରି କରିଛନ୍ତି। ତାଙ୍କର ଏହି ଘର ସବୁରେ କଳା, ସ୍ଥାପତ୍ୟ, ଇଞ୍ଜିନିୟରିଂ ଓ ସୃଜନଶୀଳତାର ଅଦ୍ଭୁତ ମିଶ୍ରଣ ଦେଖିବାକୁ ମିଳେ। ଏହି ଜଟିଳ କାର୍ଯ୍ୟକୁ ସେ ଏଭଳି ଗଢିଥାଆନ୍ତି ଯେ, ତାହା ବେଶ୍ ସରଳ ଦେଖାଯାଏ। କିନ୍ତୁ ବୁଝି ହୁଏନା ଏହା କିଭଳି ସମ୍ଭବ ହୋଇଛି ବୋଲି। ଏହି ସ୍ଥପତିଙ୍କ ନାମ ହେଉଛି ଆଲେକ୍ସ ଚିନେକ୍। ସେ ଚେଲ୍ସି କଲେଜ ଅଫ୍ ଆର୍ଟରୁ ସ୍ନାତକ ଡିଗ୍ରୀ ହାସଲ କରିଛନ୍ତି ଏବଂ ରୟାଲ୍ ବ୍ରିଟିଶ ସୋସାଇଟି ଅଫ୍ ସ୍କଲ୍ପଚରସ୍ର ସଦସ୍ୟ ବି ଅଛନ୍ତି। ଅଦ୍ଭୁତ ଘର ବ୍ୟତୀତ ସେ ଅନେକ ଅଦ୍ଭୁତ ସ୍ଥାପତ୍ୟ ବି ଗଢିଛନ୍ତି, ଯାହା ସମସ୍ତଙ୍କୁ ଚକିତ କରାଇଥାଏ।
