ଭୁବନେଶ୍ୱର,୧୮।୧୧:ଗତ ୨ଦିନ ଧରି ଓଆସ୍କନ୍ ୨୦୨୨ ଆର୍ଥୋସ୍କୋପି ଚିକିତ୍ସକ ସମ୍ମିଳନୀକୁ କଳିଙ୍ଗ ହସ୍ପିଟାଲ ଆର୍ଥୋସ୍କୋପି ଶଲ୍ୟ ଚିକିତ୍ସାର ସିଧା ପ୍ରସାରଣ କରାଯାଇଥିଲା। ଏହି ସମ୍ମିଳନୀରେ ରାଜ୍ୟର ୨୦୦ଜଣ ଆର୍ଥୋସ୍କୋପି ଶଲ୍ୟ ଚିକିତ୍ସକ ଓଡ଼ିଶାରେ ପ୍ରଥମଥର ପାଇଁ ୨ଦିନ ଧରି କ୍ରମାଗତଭାବେ ଉକ୍ତ ସମ୍ମିଳନୀରେ ୬ଟି ଆଣ୍ଠୁ ଏବଂ କାନ୍ଧ ତନ୍ତୁ ଘାତର ଶଲ୍ୟ ଚିକିତ୍ସା ସଫଳତାର ସହ ସିଧା ପ୍ରସାରଣ କରାଯାଇଥିଲା। ଉକ୍ତ ଶଲ୍ୟ ଚିକିତ୍ସା ଦେଶର ଜଣାଶୁଣା ଆର୍ଥୋସ୍କୋପି ଚିକିତ୍ସକ ମୁମ୍ବାଇର ଡା. ଅନନ୍ତ ଲକ୍ଷ୍ମଣ ଜୋଷୀ, ଡା.ସଂଜୟ ଦେଶାଇ, ଚେନ୍ନାଇର ଡା. ରାମ ଚିଦାମ୍ବରମ୍, ଦିଲ୍ଲୀର ଡା. ଆଟିକ୍ ଭାସଦେବ ଏବଂ ଓଆସ୍କନ୍ ୨୦୨୨ର ସେକ୍ରେଟାରି ତଥା କଳିଙ୍ଗ ହସ୍ପିଟାଲର ଡା. ରଣଜିତ ପାଣିଗ୍ରାହୀଙ୍କ ଅତି ସାବଧାନତାର ସହ ଉନ୍ନତିମାନର ଶଲ୍ୟ ଚିକିତ୍ସା କଳିଙ୍ଗ ହସ୍ପିଟାଲ ଅପରେଶନ ଥିଏଟରରେ କରାଯାଇଥିଲା। ଉକ୍ତ ଶଲ୍ୟ ଚିକିତ୍ସାର ସିଧା ପ୍ରସାରଣରେ ସମ୍ମିଳନୀର ସମସ୍ତ ପ୍ରତିନିଧି କଳିଙ୍ଗ ହସ୍ପିଟାଲର ଅପରେଶନ ଥିଏଟରର ଥିବା ଅତିଥି ଶଲ୍ୟ ଚିକିତ୍ସକମାନଙ୍କ ସହ ପଙ୍ଖାନୁପୁଙ୍ଖ ଆଲୋଚନା କରିଥିଲେ। ଏହି ପ୍ରକାର କର୍ମଶାଳା ଦ୍ବାରା ସମାଜର ଶଲ୍ୟ ଚିକିତ୍ସାର ଉକ୍ତ କୌଶଳର ପ୍ରସିଦ୍ଧ ହେବା ସହ ରୋଗୀମାନେ ଉକ୍ତ ଚିକିତ୍ସାରେ ଲାଭବାନ୍ ହେବେ। କଳିଙ୍ଗ ହସ୍ପିଟାଲ ଅପରେଶନ ଥିଏଟରର ସୁବିଧା ସୁଯୋଗ ଏବଂ ରୋଗୀସେବାର ମାନକୁ ଜଣାଶୁଣା ଆର୍ଥୋସ୍କୋପି ଚିକିତ୍ସକ ମୁମ୍ବାଇର ଡା. ଅନନ୍ତ ଲକ୍ଷ୍ମଣ ଜୋଷୀ, ଡା. ସଂଜୟ ଦେଶାଇଙ୍କ ସମେତ ସମସ୍ତ ପ୍ରତିନିଧ ଏବଂ ଅତିଥିମାନେ ଉଚ୍ଚ ପ୍ରଶଂସା କରିଥିଲେ।
