ଶ୍ରୀନଗର, ୧।୯: ଜମ୍ମୁ-କଶ୍ମୀରରୁ ୩୭୦ ଧାରା ଉଚ୍ଛେଦ ପରେ ବିଚଳିତ ହୋଇପଡିଛି ପାକିସ୍ତାନ। ଏହି ପ୍ରସଙ୍ଗକୁ ନେଇ ଦେଶର ନେତାଙ୍କଠାରୁ ଆରମ୍ଭ କରି ଖେଳାଳିମାନଙ୍କ ପର୍ଯ୍ୟନ୍ତ ଭାରତକୁ ବିଭିନ୍ନ ଧମକ ଦେଉଛନ୍ତିି। ଏହି କ୍ରମରେ ସାମିଲ ହୋଇଛନ୍ତି ପାକିସ୍ତାନର ପୂର୍ବତନ କ୍ରିକେଟର୍ ଜାଭେଦ୍ ମିଆଁଦାଦ୍। ସେ ଭାରତକୁ ଧମକ ଦେଉଥିବାର ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। ଭିଡିଓରେ ସେ ଏକ ଖଣ୍ଡା ଧରି କହିଛନ୍ତି, କଶ୍ମୀରବାସୀ ଆଦୌ ବ୍ୟସ୍ତ ହୁଅନ୍ତୁ ନାହିଁ। ଆମେ ତୁମ ସହ ସବୁବେଳେ ଅଛୁ। ମୋ ପାଖରେ ଖଣ୍ଡା ଅଛି। ଆଗରୁ ବ୍ୟାଟ୍ ଚାଲୁଥିଲା, ଏବେ ଖଣ୍ଡା ଚାଲିବ ବୋଲି ସେ କହିଛନ୍ତି।