ବଡ଼ୋଦରା,୭।୩: ଇଛାଶକ୍ତି ଆଗରେ ସମସ୍ତ ବାଧାବିଘ୍ନ ହାର ମାନିଥାଏ। ଏଭଳି ଏକ ନିଆରା ଉଦାହରଣ ସୃଷ୍ଟି କରିଛନ୍ତି ଗୁଜରାଟ ବଡ଼ୋଦରାରେ ବାସ କରୁଥିବା ଦ୍ୱାଦଶ ଶ୍ରେଣୀ ଛାତ୍ର ଶିବମ୍ ସୋଲାଙ୍କି। ୧୩ ବର୍ଷ ହୋଇଥିବା ସମୟରେ ଏକ ଦୁର୍ଘଟଣାରେ ତାଙ୍କର ଡାହାଣ ହାତ କଟିଯାଇଥିଲା। ଶିବମ୍ଙ୍କ ମାତା ତାଙ୍କୁ କହୁଣୀରେ ଲେଖିବାକୁ ପରାମର୍ଶ ଦେଇଥିଲେ। ଏହାପରେ ବାପା ଶିବମଙ୍କୁ କିପରି କହୁଣୀରେ ଲେଖାଯିବା ତାହା ଶିଖାଇଥିଲେ। ଏନେଇ ସ୍କୁଲ ପକ୍ଷରୁ ମଧ୍ୟ ଶିବମ୍ଙ୍କୁ ଆବଶ୍ୟକ ସହାୟତା ଯୋଗାଇ ଦିଆଯାଇଥିଲା। ଶିବମ୍ ଏବେ ଦ୍ୱାଦଶ ଶ୍ରେଣୀ ପରୀକ୍ଷା ଦେଇଛନ୍ତି। ଏହା ପୂର୍ବରୁ ସେ କହୁଣୀରେ ଲେଖି ୧୦ମ ଶ୍ରେଣୀ ପରୀକ୍ଷା ଦେଇ ୮୧ ପ୍ରତିଶତ ନମ୍ବର ରଖିଥିଲେ। ଏଥର ମଧ୍ୟ ପରୀକ୍ଷାରେ ଭଲ ହୋଇଥିବା ଶିବମ୍ କହିଛନ୍ତି।