ବର୍ଷାଦିନରେ ବଜାରରେ କାଙ୍କଡ଼ର ଚାହିଦା ଖୁବ୍ ବେଶୀ। କାଙ୍କଡ଼ ଖାଲି ଏକ ପରିବା ନୁହେଁ ଏଥିରେ ବହୁ ଔଷଧୀୟ ଗୁଣ ମଧ୍ୟ ରହିଛି। ନିୟମିତ ଭାବେ କାଙ୍କଡ଼କୁ ଖାଦ୍ୟରେ ସାମିଲ କଲେ ଶରୀରକୁ ଶକ୍ତି ମିଳିଥାଏ। ଏଥିରେ ପ୍ରଚୁର ମାତ୍ରାରେ ଆଇରନ ଓ ପ୍ରୋଟିନ ରହିଛି। ୧୦୦ ଗ୍ରାମ କାଙ୍କଡ଼ରୁ ପ୍ରାୟ ୧୭ କ୍ୟାଲୋରୀ ଶକ୍ତି ମିଳିଥାଏ ବୋଲି ସ୍ବାସ୍ଥ୍ୟ ବିଶେଷଜ୍ଞ ମତ ଦିଅନ୍ତି। ତେବେ ଜାଣନ୍ତୁ କାଙ୍କଡ଼ର ଉପକାରିତା ସମ୍ପର୍କରେ…
ରକ୍ତ ପରିଷ୍କାର କରେ : କାଙ୍କଡ଼ ଶରୀରରୁ ଦୂଷିତ ପଦାର୍ଥ ବାହାର କରି ରକ୍ତକୁ ପରିଷ୍କାର ରଖିବାରେ ସାହାଯ୍ୟ କରେ।
ଡାଇବେଟିସ ନିୟନ୍ତ୍ରଣ କରେ : ଡାଇବେଟିସ ରୋଗୀଙ୍କ ପାଇଁ କାଙ୍କଡ଼ ସବୁଠୁ ଲାଭଦାୟକ ପରିବା। ଏହାକୁ ନିୟମିତ ଭାବରେ ଖାଦ୍ୟରେ ସାମିଲ କଲେ ଡାଇବେଟିସ ନିୟନ୍ତ୍ରିତ ହୋଇଥାଏ।
ଆଖି ଓ ପେଟ ସମସ୍ୟା ଦୂର କରେ : କାଙ୍କଡ଼ ଖାଇଲେ ଆଖି ସମସ୍ୟା ଦୂର ହୋଇଥାଏ। ପାଚନ ପ୍ରକିୟା ଠିକ୍ କରିବାରେ ସହାୟକ ହୋଇଥାଏ। ପ୍ରତିଦିନ କାଙ୍କଡ଼ ଖାଇଲେ ପେଟରୋଗ ଜନିତ ସମସ୍ତ ସମସ୍ୟା ଦୂର ହୋଇଥାଏ ବୋଲି ସ୍ବାସ୍ଥ୍ୟ ବିଶେଷଜ୍ଞ ମତ ଦିଅନ୍ତି।