କାଠଯୋଡ଼ିରେ ବୁଡ଼ି ଇଞ୍ଜିନିୟରିଂ ଛାତ୍ର ନିଖୋଜ ଘଟଣା: ୨୧ ଘଣ୍ଟା ପରେ ମୃତଦେହ ଉଦ୍ଧାର

ନରାଜ/ବାରଙ୍ଗ, ୨୭।୫(ଡି.ଏନ୍‌.ଏ.): କଟକସ୍ଥିତ ନରାଜ ଆନିକଟ ପାଖ କାଠଯୋଡ଼ିରେ ବୁଡ଼ି ରବିବାର ମଧ୍ୟାହ୍ନରେ ନିଖୋଜ ଇଞ୍ଜିନିୟରିଂ ଛାତ୍ରଙ୍କ ମୃତଦେହ ସୋମବାର ଉଦ୍ଧାର ହୋଇଛି। ସେ ହେଲେ ଝାଡ଼ଖଣ୍ଡର ବିକି କୁମାର(୨୨)।
ପ୍ରକାଶ ଯେ, ବିକି ଚନ୍ଦ୍ରଶେଖରପୁର ଥାନା ଅଧୀନ ଡମଣା ପାଖରେ ଥିବା ଏକ ଘରୋଇ ଇଞ୍ଜିନିୟରିଂ କଲେଜର ଛାତ୍ର। ସେ ରବିବାର ୧୨ଟାରେ ୪ ସହପାଠୀଙ୍କ ସହ ମହାନଦୀକୁ ଗାଧୋଇବାକୁ ଯାଇଥିଲେ। ସେମାନେ ନରାଜମୁଣ୍ଡ ପଥରପନ୍ଧ ଆନିକଟ ପାଖରେ ଗାଧୋଉଥିବା ବେଳେ ଅସାବନାବସତଃ ବିକି ସ୍ରୋତରେ ଭାଷି ଯାଇଥିଲେ। ଖବର ପାଇ ସିଡିଏରୁ କମଳକାନ୍ତ ସାମଲଙ୍କ ନେତୃତ୍ୱରେ ଏକ ୭ଜଣିଆ ଅଗ୍ନିଶମବାହିନୀ କାଠଯୋଡ଼ିରେ ଖୋଜାଖୋଜି ଚଳାଇଥିଲେ। ୨୧ ଘଣ୍ଟା ପରେ ପରେ ତାଙ୍କ ମୃତଦେହ ଉଦ୍ଧାର ହୋଇଛି।