ମୁମ୍ବାଇ,୪।୬: ନଭି ମୁମ୍ବାଇ ଓରଣର ଏକ ବ୍ରିଜ୍ର କାନ୍ଥରୁ ଆତଙ୍କବାଦୀଙ୍କ ସହ ଜଡିତ ଥିବା ଏକ ବାର୍ତ୍ତା ପୋଲିସକୁ ମିଳିଛି। ଏହି ବାର୍ତ୍ତାରେ ଆତଙ୍କବାଦୀ ସଂଗଠନ ଆଇଏସ୍ ଓ ଅବୁ ବକର ଅଲ ବାଗଦାଦିଙ୍କ ନଁା ଲେଖା ହେବା ସହ ସହରର କିଛି ସ୍ଥାନର ସାଙ୍କେତିକ ଚିହ୍ନ ଓ ଲୋକଙ୍କ ନାମ ଦେବନାଗରୀ ଓ ଇଂରାଜୀ ଭାଷାରେ ଲେଖା ହୋଇଛି। ଏହି ବାର୍ତ୍ତା ସାମ୍ନାକୁ ଆସିବା ପରେ ପୋଲିସଙ୍କ ମଧ୍ୟରେ ହଇଚଇ ସୃଷ୍ଟି ହୋଇଛି। ଏହାକୁ କିଏ ଲେଖିଛି ଏବେ ବି ଅସ୍ପଷ୍ଟ ରହିଛି। ହେଲେ ପୋଲିସ ମାମଲା ରୁଜୁ କରି ତଦନ୍ତ ଚଳାଇବା ସହ ସହରର ଆଖପାଖ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି। ସୂଚନାଯୋଗ୍ୟ ନଭି ମୁମ୍ବାଇର ଉରଣରେ ଓଏନ୍ଜିସି, ନୌସେନାଙ୍କ ଅସ୍ତ୍ରାଗାର, ଜେଏନ୍ପିଟି ଆଜି ସମ୍ବେଦନଶୀଳ ସ୍ଥାନ ରହିଛି। ଏଥିପାଇଁ ପୋଲିସ ଏହି ମାମଲାକୁ ଗମ୍ଭୀରତାର ସହ ନେଇଛି।