ରସୁଲପୁର,୨୪ା୬(ଡି.ଏନ୍.ଏ.): ଯାଜପୁର ଜିଲା ରସୁଲପୁର ବ୍ଲକ ଅତଲାପୁର ପଞ୍ଚାୟତ ବାଲିପାଟଣା ଗ୍ରାମରେ ସକାଳୁ ଘର କାମ କରୁଥିବାବେଳେ କାନ୍ଥ ପଡ଼ି ଘରମାଲିକଙ୍କ ସମେତ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ମୃତକ ଦ୍ୱୟ ହେଲେ ଘରମାଲିକ ବନମାଳୀ ସାହୁ (୫୫) ଓ ଶ୍ରମିକ ଚନ୍ଦନ ଲେଙ୍କା (୨୫)। ଘର କାମ ଚାଲିଥିବା ସମୟରେ ୨୦ ଇଞ୍ଚ ମାଟି କାନ୍ଥ ଏମାନଙ୍କ ଉପରେ ପଡ଼ି ଯାଇଥିଲା। ଏହି ଘଟଣାରେ ଅନ୍ୟ ଜଣେ ଶ୍ରମିକ ପଞ୍ଚୁ ନାଥ ମଧ୍ୟ ଆହତ ହୋଇ ଧର୍ମଶାଳା ଚିକିତ୍ସାଳୟରେ ଚିକିତ୍ସିତ ହେଉଛନ୍ତି। ମୃତଦେହ ଦୁଇଟି ବ୍ୟବଚ୍ଛେଦ ପାଇଁ ଯାଜପୁର ମୁଖ୍ୟ ଚିକିତ୍ସାଳୟକୁ ଯିବ ବୋଲି ଜଣାପଡ଼ିଛି।