ବିନିକା,୨ା୪(ଡି.ଏନ୍.ଏ.): ସୁବଣ୍ଣର୍ର୍ପୁର ଜିଲା ବିନିକା ବ୍ଲକ ଅନ୍ତର୍ଗତ କୁଇବାହାଲ ଗ୍ରାମରେ ବୁଧବାର ଜଣେ ଶ୍ରମିକ କ୍ଷେତକୁ କାମ କରିବାକୁ ଯାଇ ନିଖୋଜ ହୋଇ ଯାଇଛନ୍ତି। ସେ ହେଲେ ତପନ ମହାନନ୍ଦ ଓରଫ କାଳିଆ(୪୩)। ବହୁ ଖୋଜାଖୋଜି ପରେ ମଧ୍ୟ ତାଙ୍କ ପତ୍ତା ମିଳୁନି। ମୃତକଙ୍କ ପରିବାର ଲୋକେ ଓ କୁଇବାହାଲ ଗ୍ରାମବାସୀ ତପନଙ୍କୁ ହତ୍ୟା କରାଯାଇଛି ବୋଲି ସନ୍ଦେହ ପ୍ରକାଶ କରିଛନ୍ତି। ଏହାକୁ ନେଇ ଗ୍ରାମରେ ବୁଧବାର ସନ୍ଧ୍ୟାରୁ ଉତ୍ତେଜନା ଲାଗିରହିଛି।
ସୂଚନା ଅନୁସାରେ ତପନ ବୁଧବାର ପୂବାହ୍ନ ୧୦ଟାରୁ ବିନିକା ବ୍ଲକ ମେଘଲା ପଞ୍ଚାୟତ ଅନ୍ତର୍ଗତ ସିଲଜୁରୀ ଗ୍ରାମର ଜଣେ ଚାଷୀଙ୍କ ରବିଧାନ କ୍ଷେତରେ ସାର ପକାଇବାକୁ ଯାଉଛି କହି ଘରୁ ବାହାରିଥିଲେ। ମାତ୍ର ସନ୍ଧ୍ୟା ୬ଟା ଯାଏଁ ଘରକୁ ଫେରି ନ ଥିଲେ। ସ୍ତ୍ରୀ ଯାଜ୍ଞସେନୀ ଏ ନେଇ ସାହି ପଡିଶାଙ୍କୁ ଜଣାଇଲେ। ପରେ ସାହିର କେତେକ ଯୁବକ ସିଲଜୁରୀ ଗ୍ରାମକୁ ଯାଇ ସମ୍ପୃକ୍ତ ଚାଷୀଙ୍କୁ ତପନଙ୍କ ସମ୍ପର୍କରେ ପଚରାଉଚୁରା କରିଥିଲେ। ହେଲେ ତପନ ମୋ କ୍ଷେତକୁ ସାର ପକାଇବାକୁ ଆସି ନ ଥିବା ସମ୍ପୃକ୍ତ ଚାଷୀ ଜଣକ କହିଥିଲେ। ଏହା ପରେ କୁଇବାହାଲ ଗାଁର ଯୁବକମାନେ ତାଙ୍କ କଥାରେ ସନ୍ଦେହ ପ୍ରକାଶ କରିଥିଲେ। ପରେ ସମ୍ପୃକ୍ତ ଚାଷୀଙ୍କୁ କୁଇବାହାଲ ହରିଜନପଡାସ୍ଥିତ କ୍ଲବ ଘରକୁ ଆଣି ପଚରାଉଚୁରା କରିଥିଲେ। ଘଟଣା ବିଷୟରେ ସୂଚନା ପାଇ ରାତି ପ୍ରାୟ ସାଢେ ୧ଟାରେ ରାମପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚିଥିଲା। ତପନଙ୍କୁ ମାରି ଦିଆଯାଇଛି ବୋଲି କୁଇବାହାଲ ଗ୍ରାମବାସୀ ଅଭିଯୋଗ କରିବା ସହ ପ୍ରବଳ ପାଟିତୁଣ୍ଡ କରିଥିଲେ। ଖବର ପାଇ ଜିଲା ଆରକ୍ଷୀ ଅଧିକ୍ଷକ ଦେବୀ ପ୍ରସାଦ ଦାଶ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ। ପରେ ରାମପୁର ପୋଲିସ ସମ୍ପୃକ୍ତ ଚାଷୀ ଓ କୁଇବାହାଲ ଗାଁରେ ରହୁଥିବା ତାଙ୍କର ଜଣେ ସମ୍ପର୍କୀୟଙ୍କୁ ଥାନାକୁ ଆଣି ପଚରାଉଚୁରା କରିଥିଲା। ଏ ନେଇ ଥାନାରେ ଏକ ମାମଲା(ନଂ.୬/୨୦)ରୁଜୁ ହୋଇଥିଲା। ଶୁକ୍ରବାର ପୂର୍ବାହ୍ନ ୧୦ଟାରେ ଏସ୍ଡିପିଓ ମିହିର ପଣ୍ଡାଙ୍କ ସହିତ ରାମପୁର ଓ ବିନିକା ଥାନା ପୋଲିସ ଅଟକ ଦୁଇଜଣଙ୍କୁ ବିନିକା ବାରଡୁଙ୍ଗୁରୀ ଜଙ୍ଗଲକୁ ନେଇ ନିଖୋଜ ତପନଙ୍କୁ ଖୋଜାଖୋଜି କରିଥିଲେ। ଏହାକୁ ନେଇ କୁଇବାହାଲ ଗଁାରେ ଉତ୍ତେଜନାମୂଳକ ପରିସ୍ଥିତି ଜାରି ରହିଛି। ପରିସ୍ଥିତିକୁ ଦୃଷ୍ଟିରେ ରଖି ଗଁାରେ ୩ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି। ପରିସ୍ଥିତି ପ୍ରତି ତୀକ୍ଷଣ ଦୃଷ୍ଟିି ରଖାଯାଇଛି ବୋଲି ଏସ୍ଡିପିଓ ପଣ୍ଡା କହିଛଛି।