କନିଷି,୫ା୨(ଡି.ଏନ.ଏ.) -ଗଞ୍ଜାମ ଜିଲା ରଙ୍ଗେଇଲୁଣ୍ଡା ବ୍ଲକ କୋଳଥିଗାଁ ପଞ୍ଚାୟତରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍ଜିଏନ୍ଆର୍ଇଜିଏସ୍) ମାଧ୍ୟମରେ ଅର୍ଥ ହରିଲୁଟ ହୋଇଥିବା ଅଭିଯୋଗ ହୋଇଛି। ଏ ନେଇ ଜଣେ ଜବ୍କାର୍ଡଧାରୀ ବିଡିଓଙ୍କୁ ଅଭିଯୋଗ କରିଛନ୍ତି।
ଯେ, କୋଳଥିଗାଁର ସୁଦାମ ପରିଡ଼ା ଜଣେ ଜବ୍କାର୍ଡ ହିତାଧିକାରୀ। ତାଙ୍କ ଜବକାର୍ଡ ନଂ. ୧୭୭୦୫ ଜରିଆରେ କାମ ଯୋଗାଇ ଦିଆ ନ ଯାଇ ଜବକାର୍ଡ ଓ ବ୍ୟାଙ୍କ ଆକାଉଣ୍ଟକୁ ଟଙ୍କା ଆସିଥିଲା। ପଞ୍ଚାୟତ ସରପଞ୍ଚଙ୍କ ସ୍ବାମୀ ଜୋରଜବରଦସ୍ତ ଉକ୍ତ ଟଙ୍କା ଉଠାଇ ନେଇଗଲେ। ମଜୁରୀ ବାବଦକୁ ଗତ ୭ ସେପ୍ଟେମ୍ବର ୨୦୧୯ରୁ ୫ ଅକ୍ଟୋବର ୨୦୧୯ ମଧ୍ୟରେ ୪ଟି କିସ୍ତିରେ ମୋଟ ୫ ହଜାର ୨୬୪ ଟଙ୍କା ମହାତ୍ମା ଗାନ୍ଧୀ ଜାତୀୟ ନିଶ୍ଚିତ କର୍ମ ନିଯୁକ୍ତି ଯୋଜନା ପାଣ୍ଠିରୁ ମୋର ଜମା ଖାତାକୁ ଛଡ଼ାଯାଇ ମୋ ଠାରୁ ଜୋରଜବରଦସ୍ତ ଆଦାୟ କରାଯାଇଛି ବୋଲି ସେ ରଙ୍ଗେଇଲୁଣ୍ଡା ବିଡିଓଙ୍କୁ ଲିଖିତ ଅଭିଯୋଗ କରିଛନ୍ତି। ଏନେଇ ବିଡିଓ କୁମାର ନାଗଭୂଷଣଙ୍କ ସହ ଯୋଗାଯୋଗ କରିବାରୁ ସେ କହିଥିଲେ, କୋଳଥିଗାଁର ସୁଦାମଙ୍କ ନାମରେ ଡ଼ିମାଣ୍ଡ ହୋଇଥିଲା। ତାଙ୍କର ଖାତାକୁ ଟଙ୍କା ଯାଇଛି। ସେ ନିଜେ କହୁଛନ୍ତି ଯେ ମୁଁ କାମ କରିନାହିଁ, ମୋର ଖାତାକୁ କେମିତି ଟଙ୍କା ଆସିଛି। ତୁରନ୍ତ ତଦନ୍ତ କରାଯିବ ବୋଲି ବିଡିଓ ଜଣାଇଛନ୍ତି।