ନୂଆଦିଲ୍ଲୀ,୩।୬: କାରଗୀଲ୍ ଯୋଦ୍ଧା ମହମ୍ମଦ ସନାଉଲ୍ଲାହଙ୍କୁ ଏନଆର୍ସି ଆଇନ ଅନ୍ତର୍ଗତ ବିଦେଶୀ ଘୋଷଣା ମାମଲାରେ ନୂଆ ମୋଡ଼ ଆସିଛି। ଯାଞ୍ଚ୍ ଅଧିକାରୀଙ୍କ ଉପରେ ଏନେଇ ଅଙ୍ଗୁଳି ଉଠିଛି। ଅଧିକାରୀମାନେ ସାକ୍ଷୀଙ୍କ ବୟାନ ନ ନେଇ ଯାଞ୍ଚ୍ କରିଥିବା ସନାଉଲ୍ଲ୍ଲାହଙ୍କ ସମ୍ପର୍କୀୟ ପଜୁଲୁଲ୍ ହକ୍ ଅଭିଯୋଗ କରିଛନ୍ତି। ଯାଞ୍ଚ୍ ଅଧିକାରୀ ସାକ୍ଷୀଙ୍କ ବୟାନ ନ ନେଇ ମିଥ୍ୟା ତଥ୍ୟ ଉପସ୍ଥାପନ କରିଛନ୍ତି। ପୋଲିସ ସାକ୍ଷୀଙ୍କୁ ଏହି ମାମଲାରେ ନ ଭେଟି ମନ ଇଛା ଯାଞ୍ଚ୍ ପ୍ରକ୍ରିୟା କରିଥିବା ସନାଉଲ୍ଲାହଙ୍କ ସମ୍ପର୍କୀୟ କହିଛନ୍ତି। ସୂଚନାଯୋଗ୍ୟ, ସନାଉଲ୍ଲାହ ୩୦ ବର୍ଷ ଭାରତୀୟ ସେନାରେ କାର୍ଯ୍ୟ କରିବା ପରେ ଅବସର ଗ୍ରହଣ କରି ଆସାମ ପୋଲିସରେ ଏଏସ୍ଆଇ ଭାବେ କାର୍ଯ୍ୟ କରୁଥିଲେ। ଫରେନର୍ସ ଟ୍ରିବ୍ୟୁନାଲ୍ ବିଦେଶୀ ଘୋଷଣା କରିବାପରେ ସନାଉଲ୍ଲାହଙ୍କ ପରିବାର ସଦସ୍ୟ ଏବେ ଗୋଲପଡ଼ାସ୍ଥିତ ଡିଣ୍ଟେନସନ୍ କ୍ୟାମ୍ପ୍ରେ ରହିଛନ୍ତି। ଏନଆର୍ସି ଆଇନ ଅନୁସାରେ ସନାଉଲ୍ଳାହ ଯାଞ୍ଚ୍ ଅଧିକାରୀଙ୍କ ସମ୍ମୁଖରେ ସେ ୧୯୭୧ ମାର୍ଚ୍ଚ ୨୫ ପୂର୍ବରୁ ଭାରତରେ ବାସ କରୁଥିବାର ପ୍ରମାଣ ଦେଇପାରି ନ ଥିଲେ।