ମୁମ୍ବାଇ: ବଲିଉଡ୍ ଖିଲାଡି ବୟ ଅକ୍ଷୟ କୁମାର ଓ ବଲିଉଡ୍ ବେବୋ କରିନା କପୁର ଖାଁ ତାଙ୍କ ଅପ୍ କମିଙ୍ଗ ଫିଲ୍ମ ଗୁଡ୍ ନ୍ୟୁଜର ପ୍ରମୋଶନରେ ବ୍ୟସ୍ତ ଅଛନ୍ତି। ଏବେ ଏମାନଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଉକ୍ତ ଭିଡିଓରେ ଏମାନେ କାର୍ ଭିତରେ ଫିଲ୍ମର ପ୍ରମୋଶନ କରୁଥିବା ଦେଖାଯାଇଛି। ନିକଟରେ ଅକ୍ଷୟ, କରିନା, ଦିଲଜିତ ଦୋସାଂଝ ଓ କିୟାରା ଆଡଭାନୀ ଫିଲ୍ମର ପ୍ରମୋଶନ ପାଇଁ ଯିବା ସମୟରେ ଟାଇମ୍ ଓ୍ବେଷ୍ଟ ନ କରି ରାସ୍ତାରେ ଯିବାବେଳେ ଏକ ଭିଡିଓ ଶୁଟ୍ କରିଥିଲେ। ପରେ ଅକ୍ଷୟ ଏହାକୁ ସୋସିଆଲ ମିଡିଆରେ ଶେୟାର କରିବା ପରେ ଏବେ ଏହା ଭାଇରାଲ ହୋଇଛି। ଭିଡିଓଟି ଅକ୍ଷୟଙ୍କ ପାଖରୁ ଆରମ୍ଭ ହେଉଥିବା ବେଳେ ସେ ଫିଲ୍ମର ଗୀତ ମାନା ଦିଲ୍ ଗାଉଥିବା ବେଳେ ପରେ ଅନ୍ୟ କଳାକାରମାନେ ତାଙ୍କ ନିକଟକୁ ଆସିଛନ୍ତି। ଫିଲ୍ମଟି ଚଳିତ ମାସ ୨୭ରେ ରିଲିଜ୍ ହେବାର ଯୋଜନା ରହିଛି।