ବଇଣ୍ଡା, ୨୦ା୯(ଡି.ଏନ.ଏ.)- କଟକ-ସମ୍ବଲପୁର ୫୫ ନମ୍ବର ଜାତୀୟ ରାଜପଥର ହଣ୍ଡପା ଥାନା ପାଗବନ୍ଧା ନିକଟରେ ଶୁକ୍ରବାର ସକାଳେ ଏକ କାର୍ ଓ ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ କାର୍ ଚାଳକ ଭଦ୍ରକ ଜିଲା ଫତେପୁର ଅଞ୍ଚଳର ଦୀପକ ସ୍ବାଇଁଙ୍କ ମୃତ୍ୟୁ ହୋଇଥିବାବେଳେ ତାଙ୍କ ସହଯୋଗୀ ସେହି ଗ୍ରାମର ସୁବ୍ରତ ସ୍ବାଇଁ ଗୁରୁତର ହୋଇଛନ୍ତି। ଗୁରୁତରଙ୍କୁ ସ୍ଥାନୀୟ ଗ୍ରାମବାସୀ ଓ ପୋଲିସ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛି। ପୋଲିସ କହିଛି, ଧୂପକାଠି ବ୍ୟବସାୟୀ ଦୀପକ ଓ ସୁବ୍ରତ ଧୂପକାଠି ବୋଝେଇ କରି କାର୍ରେ(ନଂ. ଓଡ଼ି ୦୨ ଏଡି ୮୫୭୪)ରେ ଯାଉଥିବାବେଳେ ଅନୁଗୋଳରୁ ସମ୍ବଲପୁର ଅଭିମୁଖେ ଆସୁଥିବା ଏକ ଦ୍ରୁତଗାମୀ ଟ୍ରକ୍ (ଓଡ଼ି ୩୩ ସି ୬୯୩୪) ସହ ଧକ୍କା ହୋଇଥିଲା। ହଣ୍ଡପା ପୋଲିସ ଗାଡ଼ି ଦୁଇଟିକୁ ଜବତ କରିବା ସହ ନଂ. ୧୬୩/୧୯ରେ ଏକ ମାମଲା ରୁଜୁ କରିଛି।