ଲସ୍ ଏଞ୍ଜେଲ୍ସ୍,୧୨।୧୦: ଆମେରିକା କାଲିଫର୍ନିଆ ଜଙ୍ଗଲରେ ଗତ ଦୁଇଦିନ ତଳେ ଲାଗିଥିବା ନିଆଁ ଶନିବାର ଭୟଙ୍କର ରୂପ ନେଇଛି। ସୁରକ୍ଷା ଦୃଷ୍ଟିରୁ ଏକ ଲକ୍ଷ ଲୋକଙ୍କୁ ସ୍ଥାନାନ୍ତର କରାଯାଇଛି। ନିଆଁ ଦ୍ୱାରା ପ୍ରତି ଘଣ୍ଟାରେ ୮ ଶହ ଏକର ଜଙ୍ଗଲ ଜଳିବାରେ ଲାଗିଛି। ଇତିମଧ୍ୟରେ ୭ ହଜାର ୫ଶହ ୪୨ ଏକର ଜଙ୍ଗଲ ଜଳି ଯାଇଛି। ନିଆଁ ଏବେ ଲସ୍ ଏଞ୍ଜେଲ୍ସ୍ ସହରଠାରୁ ୩୨ କିଲୋମିଟର ଦୂରରେ ରହିଥିବା ସ୍ଥାନୀୟ ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ପବନର ବେଗ ଅଧିକ ଥିବାରୁ ନିଆଁ ଶୀଘ୍ର ବ୍ୟାପିବାରେ ଲାଗିଛି। ନିଆଁଲିଭା କାର୍ଯ୍ୟରେ ଏକ ହଜାର ଦମକଳ ଗାଡ଼ିକୁ ଲଗାଯାଇଛି। ନିଆଁ ଯୋଗୁ ୨୦ ହଜାରରୁ ଅଧିକ ବାସଗୃହ କ୍ଷତିଗ୍ରସ୍ତ ହେବାର ଆଶଙ୍କା ରହିଥିବା ପ୍ରଶାସନ କହିଛି।