ଅନୁଗୋଳ ଅଫିସ/କଣିହଁ।/ ଭୁବନ,୨୫ା୪(ଡି.ଏନ.ଏ.) – ଅନୁଗୋଳ ଜିଲାର ବିଭିନ୍ନ ସ୍ଥାନରେ ଶୁକ୍ରବାର କାଳବୈଶାଖୀ ଯୋଗୁ ବ୍ୟାପକ କ୍ଷୟକ୍ଷତି ଘଟିଛି। ଏହି ସମୟରେ ବଜ୍ରପାତ ଯୋଗୁ ୨ଜଣଙ୍କ ଜୀବନ ହାନି ହୋଇଛି।
ସେମାନେ ହେଲେ ଅନୁଗୋଳ ବ୍ଲକ ବାଳୁଅକଟା ଗାଁର ନାରାୟଣ ସାହୁ ଓ ବନ୍ଦାଣପଶି ଗାଁର ବାବାଜୀ ସାହୁ। ଜିଲା ମୁଖ୍ୟ ଚିକିତ୍ସାଳୟରେ ଉଭୟଙ୍କୁ ଡାକ୍ତର ମୃତ ଘୋଷଣା କରିଥିଲେ। ସେହିପରି ଅପରାହ୍ନରେ କଣିହଁ। ବ୍ଲକ ଅଞ୍ଚଳରେ ବର୍ଷା ସହ ଜୋରଦାର ପବନ ହୋଇଥିଲା। ଏଥିରେ ପବିତ୍ରନଗର ଅଞ୍ଚଳରେ ଅନେକ ଚାଳ ଓ ଆଜବେଷ୍ଟସ୍ ଘରର ଛପର ଉଡ଼ିଯାଇଛି। ବଡ଼ ବଡ଼ ଗଛ ସହ କେତେକ ସ୍ଥାନରେ ଟେଲିଫୋନ ଟାଓ୍ବାର ମଧ୍ୟ ଭାଙ୍ଗିଯାଇଛି। ଅନେକଙ୍କ ପନିପରିବା ଚାଷ, କଦଳୀ, ଅମୃତଭଣ୍ଡା ବଗିଚା ଆଦି ନଷ୍ଟ ହୋଇଛି। ବିଦ୍ୟୁତ୍ ସରବରାହ ବ୍ୟାହତ ହୋଇଛି। ତେବେ ତହସିଲଦାର ରବୀନ୍ଦ୍ର ସାମଲଙ୍କ ସହ ଯୋଗାଯୋଗ ସମ୍ଭବ ହୋଇ ନ ଥିବାରୁ କ୍ଷୟକ୍ଷତି ସମ୍ପର୍କରେ ସମ୍ପୂର୍ଣ୍ଣ ତଥ୍ୟ ମିଳିପାରି ନାହିଁ। ସେହିପରି ଢେଙ୍କାନାଳ ଜିଲା ଭୁବନ ବ୍ଲକ ବାରୁଆ ଗ୍ରାମର ଗୋବିନ୍ଦ ରାଉତ ଶୁକ୍ରବାର ସନ୍ଧ୍ୟାରେ ବଜ୍ରପାତରେ ଗୁରୁତର ହୋଇଛନ୍ତି। ସେ ବାରଣ୍ଡାରେ ବସିଥିବାବେଳେ ବଜ୍ରପାତ ହୋଇଥିଲା। ସେ ଚେତାଶୂନ୍ୟ ହୋଇପଡ଼ିଥିଲେ। ପରିବାର ଲୋକେ ତାଙ୍କୁ ଭୁବନ ଡାକ୍ତରଖାନାରେ ଭର୍ତ୍ତି କରିଛନ୍ତି।