ଗୋପାଳପୁର,୧୨ା୧- ଗଞ୍ଜାମ ଜିଲା ଗୋପାଳପୁର ଥାନା ଆମ୍ବପୁଆସ୍ଥିତ କାଳୀ ମନ୍ଦିରରେ ଶନିବାର ରାତିରେ କଳାକନା ବୁଲାଇଛନ୍ତି ଲୁଟେରା। ମା’ କାଳୀଙ୍କ ସୁନା ଓ ରୂପା ଅଳଙ୍କାର ସହ ହୁଣ୍ଡି ଭାଙ୍ଗି ଟଙ୍କା ନେଇଯାଇଛନ୍ତି। ନଂ.୫/୨୦ରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି।
ପ୍ରକାଶ ଯେ, ଆମ୍ବପୁଆସ୍ଥିତ ରାସ୍ତା ପାର୍ଶ୍ୱରେ ଥିବା କାଳୀ ମନ୍ଦିରରେ ଶନିବାର ରାତିରେ ପୂଜକ ପୂଜାର୍ଚ୍ଚନା ସାରି ପହଡ ପକାଇ ଚାଲିଯାଇଥିଲେ। ରାତିରେ ଲୁଟେରାମାନେ ମନ୍ଦିର କବାଟ ତାଲା ଭାଙ୍ଗି ଭିତରେ ପଶି ମା’ କାଳୀଙ୍କ ଦୁଇଟି ରୁପା କିରୀଟ, ଦୁଇଟି ସୁନା ଆଖି, ସୁନା ଜିଭ ସହ ହୁଣ୍ଡିରେ ଥିବା ଟଙ୍କା ପଇସା ନେଇଯାଇଛନ୍ତି। ରବିବାର ସକାଳେ ପୂଜକ ଓ ସ୍ଥାନୀୟ ଲୋକେ କବାଟ ଖୋଲାଥିବା ଦେଖିଥିଲେ। ମନ୍ଦିର ଭିତରକୁ ଯିବାରୁ ଚୋରି ହୋଇଥିବା ଜାଣିବାକୁ ପାଇଥିଲେ। ଏନେଇ ଗୋପାଳପୁର ଥାନାକୁ ଫୋନ କରି ଜଣାଇଥିଲେ। ଗୋପାଳପୁର ଥାନା ଅଧିକାରୀ ବିବେକାନନ୍ଦ ମହନ୍ତ ସଦଳବଳ ମନ୍ଦିରରେ ପହଞ୍ଚତ୍ ତଦନ୍ତ ଆରମ୍ଭ କରିଥିଲେ।
