ବଲିଉଡ୍ ଅଭିନେତ୍ରୀମାନଙ୍କ ପ୍ରକୃତ ନାଁ ତ ଆପଣ ଜାଣିଥିବେ କିନ୍ତୁ କିଛି ଅଭିନେତ୍ରୀଙ୍କ ଡାକ ନାଁ ଜାଣିଲେ ଆପଣ ଆଶ୍ଚର୍ଯ୍ୟ ହେବେ। ରଣବୀର କପୁରଙ୍କ ସହ ପ୍ରେମ ସମ୍ପର୍କକୁ ନେଇ ଚର୍ଚ୍ଚାରେ ଥିବା ଅଭିନେତ୍ରୀ ଆଲିଆ ଭଟ୍ଟଙ୍କୁ ତାଙ୍କ ସାଙ୍ଗମାନେ ଆଲୁ କହି ଡାକନ୍ତି। ପ୍ରିୟଙ୍କା ଚୋପ୍ରାଙ୍କୁ ତାଙ୍କ ପରିବାର ଲୋକେ ମିମି ଡାକନ୍ତି। ସେହିପରି ବ୍ୟାଡ୍ମିଣ୍ଟନ ଖେଲାଳି ସାଇନା ନେହଓ୍ବାଲଙ୍କ ବାଓପିକ୍ରେ ନଜର ଆସିବାକୁ ଥିବା ପରିଣୀତି ଚୋପ୍ରା ଟିଶା ନାଁରେ ବେଶ୍ ଲୋକପ୍ରିୟ। କପୁର ପରିବାରର ଦୁଇଭଉଣୀ କରିସ୍ମା ଏବଂ କରୀନା ଯଥାକ୍ରମେ ବେବୋ ଏବଂ ଲୋଲୋ ନାମରେ ପରିଚିତ। ‘ସାହୋ’ରେ ଜବରଦସ୍ତ ପ୍ରଦର୍ଶନ କରିଥିବା ଶ୍ରଦ୍ଧା କପୁରଙ୍କୁ ତାଙ୍କ ସାଙ୍ଗସାଥୀମାନେ ଚିରକୁଟ୍ ନାଁରେ ଡାକନ୍ତି। ସୋନମ କପୁର ଏବେ ଫିଲ୍ମ ଜଗତରୁ କିଛିଦିନ ପାଇଁ ଦୂରେଇ ରହିଥିବା ସୋନମଙ୍କ ଡାକ ନାଁ ଜିରାଫ୍।