ମୁମ୍ବାଇ: ‘ମୁଲ୍କ’ ପରେ ଲେଖକ ତଥା ନିର୍ଦ୍ଦେଶକ ଅନୁଭବ ସିହ୍ନା ପୁଣି ଥରେ ଏକ ନିର୍ଦ୍ଦିଷ୍ଟ ବିଷୟକୁ ନେଇ ଫିଲ୍ମ ନିର୍ମାଣ କରିଛନ୍ତି। ଆୟୁଷ୍ମାନ ଖୁରାନାଙ୍କ ଅଭିନୀତ ଫିଲ୍ମ ‘ଆର୍ଟିକଲ ୧୫’ ରିଲିଜ୍ ପୂର୍ବରୁ ବିବାଦ ଘେରକୁ ଆସିଥିବା ବେଳେ ଏବେ ଏହା ଭଲ ରେସ୍ପନ୍ସ ପାଇଛି ବୋଲି କୁହାଯାଉଛି। ହେଲେ ଉତ୍ତର, ପ୍ରଦେଶ, କାନପୁର, ବରେଲି ସହ ଦିଲ୍ଲୀରେ ଆଜିବି ଏହାକୁ ବିରୋଧ କରାଯାଉଛି। ଏମିତିକି ଏହାକୁ ନେଇ ଏକ ସଙ୍ଗଠନ ସୁପ୍ରିମକୋର୍ଟ ପର୍ଯ୍ୟନ୍ତ ପହଞ୍ଚିଲେଣି। ହେଲେ ‘ଆର୍ଟିକଲ ୧୫’ କ’ଣ ବୋଲି ଏବେ ଅନେକଙ୍କ ମନରେ ପ୍ରଶ୍ନ ଉଠିଛି। ଭାରତର ସମ୍ବିଧାନରେ ଥିବା ‘ଆର୍ଟିକଲ ୧୫’ କୁହେ ଭାରତରେ କୌଣସି ବ୍ୟକ୍ତିଙ୍କୁ ଜାତି,ଧର୍ମ, ଲିଙ୍ଗ ବା ଜନ୍ମସ୍ଥାନକୁ ନେଇ ଭେଦଭାବ କରାଯାଇ ପାରିବ ନାହିଁ। ‘ଆର୍ଟିକଲ ୧୫’କୁ ପାଳନ କରିବା ଆମ ସମସ୍ତଙ୍କ ପାଇଁ ଜରୁରୀ। ଏହାକୁ ନେଇ ଅନୁଭବ ସିହ୍ନାଙ୍କ ଫିଲ୍ମ ‘ଆର୍ଟିକଲ ୧୫’ରେ ଏକ ଗୁରୁତ୍ୱପୂର୍ଣ୍ଣ ଡାଇଲଗ ରହିଛି। ଯାହାକୁ ନେଇ ଏବେ ଦେଶର ବିଭିନ୍ନ ସ୍ଥାନରେ ବିରୋଧ ପ୍ରଦର୍ଶନ କରାଯାଉଛି। ଏହାର ଆଧାରରେ କାହାକୁ ଦୋକାନ, ସାର୍ବଜନୀନ ଭୋଜନାଳୟ, ମନୋରଞ୍ଜନ ସ୍ଥଳକୁ ବାରଣ କରାଯାଇ ପାରିବ ନାହିଁ। ଅନୁଭବ ସିହ୍ନାଙ୍କ ଏହି ଫିଲ୍ମ ଏଇଥିପାଇଁ ଏବେ ଆସିଛି ଚର୍ଚ୍ଚାକୁ।