ଉଦଳା,୫ା୩(ଡ଼ି.ଏନ୍.ଏ.)- ମୟୂରଭଞ୍ଜ ଜିଲା ଉଦଳା ବ୍ଲକ ଅଧୀନ ନୂଆସାହି ଗ୍ରାମରେ ଜଣ୍ଡିସ୍ ଆତଙ୍କ ଦେଖାଦେଇଛି। ଗ୍ରାମର ୨୦ରୁ ଅଧିକ ଲୋକ ଏଥିରେ ଆକ୍ରାନ୍ତ ହୋଇଛନ୍ତି। ଏହି ରୋଗ ଦିନକୁ ଦିନ କାୟା ବିସ୍ତାର କରୁଥିବାରୁ ଗ୍ରାମବାସୀ ଆତଙ୍କିତ ଅବସ୍ଥାରେ ରହିଛନ୍ତି। ଆକ୍ରାନ୍ତଙ୍କ ମଧ୍ୟରୁ କେତେକ ଉଦଳା ଡାକ୍ତରଖାନାରେ ଚିକିତ୍ସିତ ହୋଇ ଘରକୁ ଫେରିଥିଲେ ମଧ୍ୟ ସମ୍ପୂର୍ଣ୍ଣ ସୁସ୍ଥ ହୋଇନାହାନ୍ତି। ଆଉ କେତେକ ହୋମିଓପ୍ୟାଥି ଔଷଧ ଖାଉଛନ୍ତି । ବୁଧବାର ଶ୍ରୀଦାମଚନ୍ଦ୍ରପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ମେଡିକାଲ ଅଫିସର ଡା. ବି.କେ ମହାପାତ୍ରଙ୍କ ନିର୍ଦ୍ଦେଶକ୍ରମେ ବାରିପଦାରୁ ଏକ ୭ ଜଣିଆ ମେଡିକାଲ୍ ଟିମ୍ ଗ୍ରାମରେ ପହଞ୍ଚତ୍ଥିଲେ। ମେଡିକାଲ ଟିମ୍ ଆକ୍ରାନ୍ତଙ୍କ ସହିତ ଆଲୋଚନା କରିବା ସହିତ ସେମାନଙ୍କୁ ଔଷଧ ପ୍ରଦାନ କରିଥିଲେ। ଏହା ସହିତ ଆକ୍ରାନ୍ତଙ୍କ ରକ୍ତ ନମୁନା ଓ ଗ୍ରାମର ନଳକୂପରୁ ପାନୀୟ ଜଳର ନମୁନା ମଧ୍ୟ ସଂଗ୍ରହ କରି ନିଆଯାଇଛି । ଏହା ବ୍ୟତୀତ ଘରେ ପାଣିକୁ ଫୁଟାଇ ପିଇବା ସହିତ ବାହାର ଫାଷ୍ଟଫୁଡ୍ ଖାଦ୍ୟ ଖାଇବାକୁ ବାରଣ କରାଯାଇଛି ା ଏସବୁର ପରୀକ୍ଷା କରାଯିବା ପରେ ଜଣ୍ଡିସ୍ ବ୍ୟାପିବାର କାରଣ ସ୍ପଷ୍ଟ ହେବ ଏବଂ ଆକ୍ରାନ୍ତଙ୍କୁ ସେହି ଅନୁଯାୟୀ ଚିକିିତ୍ସା କରାଯିବ ବୋଲି ଗ୍ରାମକୁ ଆସିଥିବା ମେଡିକାଲ ଟିମ୍ର ଡା. ଅନୁପ ଅଭିଷେକ କହିଛନ୍ତି ା