‘ଲଷ୍ଟ ଷ୍ଟୋରୀଜ୍’ ହିଟ୍ ହେବା ପରେ କିଆରା ଆଡଭାନୀ ତାଙ୍କର ଆଗାମୀ ଫିଲ୍ମ ‘କବୀର ସିଂହ’କୁ ନେଇ ଏବେ ଚର୍ଚ୍ଚାରେ। କିଆରା ଏକ ଚାଟ୍ ଶୋ’ରେ ‘ଲଷ୍ଟ ଷ୍ଟୋରୀଜ’ର ବୋଲ୍ଡ ସିନ୍ ସମ୍ପର୍କରେ କହିଥିଲେ। ଏହି ଫିଲ୍ମର ବୋଲ୍ଡ ସିନ୍ ଖୁବ୍ ଚର୍ଚ୍ଚା ହେବା ସହ ତାଙ୍କୁ ଏକ ସ୍ବତନ୍ତ୍ର ପରିଚୟ ଦେଇଥିଲା। କିଆରା କହିଛନ୍ତି, ତାଙ୍କ ଜେଜେମା’ ଏହି ସିନ୍ ଦେଖିଥିଲେ। ଜେଜେମା’ଙ୍କ ପ୍ରତିକ୍ରିୟା କେମିତି ଥିଲା ପ୍ରଶ୍ନର ଉତ୍ତରରେ କିଆରା କୁହନ୍ତି, ଜେଜେମା ତାଙ୍କ ପାଖରେ ରହିବା ପାଇଁ ଆସିିଥିଲେ। ସେତେବେଳେ ଫିଲ୍ମଟି ରିଲିଜ ହୋଇଥିଲା।
ଜେଜେମା’ଙ୍କ ସହିତ ତାଙ୍କ ମାତାପିତା ମଧ୍ୟ ଏହି ଫିଲ୍ମକୁ ଦେଖିଥିଲେ। ମୋ’ ଜେଜେମା’ ଆଙ୍ଗ୍ଲୋଇଣ୍ଡିଆନ୍ ଥିବାରୁ ସ୍କ୍ରିପ୍ଟ ବୁଝି ପାରୁ ନ ଥିଲେ। ସେ କେବଳ ତଳେ ଚାଲୁଥିବା ଫିଲ୍ମର ଟାଇଟଲକୁ ପଢ଼ି ଚାଲିଥିଲେ। ସମସ୍ତେ ହସୁଥିଲେ। ଜେଜେମା’ ଯେତେବେଳେ ଏହି ଫିଲ୍ମଟି ଦେଖୁଥିଲେ ମୋତେ ଲାଗୁଥିଲା ସେ କିଛି ବୁଝି ପାରୁନାହାନ୍ତି ଖାଲି ଦେଖୁଛନ୍ତି।
ସେତେବେଳେ ସେ କିଛି ପ୍ରତିକ୍ରିୟା ଦେଉ ନ ଥିଲେ। ମଁୁ ତାଙ୍କୁ ଦେଖି ଭାବୁଥିଲି ଜେଜେମାଙ୍କୁ ଫିଲ୍ମ ଭଲ ଲାଗୁଛି ନା ନାହିଁ। ମାଆଙ୍କୁ କହିଲି ଜେଜେମା’ଙ୍କୁ କୁହ ଫିଲ୍ମଟି ବୁଝନ୍ତୁ। ତା’ ପରେ ଜେଜେମା’ କହିଲେ ମଁୁ ବୁଝୁଛି। ଆଉ ମୋତେ ଖୁବ୍ ପସନ୍ଦ ଆସିଛି। ଯାହାକୁ ନେଇ ସେ ବହୁତ ଖୁସି। କହିରଖୁଛୁ ଆଗାମୀ ଜୁନ୍ ୨୧ରେ କିଆରାଙ୍କ ଅଭିନୀତ ଫିଲ୍ମ ‘କବୀର ସିଂହ’ ରିଲିଜ ହେବ। ଏହାର ନିର୍ଦ୍ଦେଶନା ଦେଇଛନ୍ତି ସନ୍ଦୀପ ଭାଙ୍ଗା।