ମୁମ୍ବାଇ: ଲଗାତାର କିଛି ବର୍ଷ ହେବ ଇଦ୍ରେ ରିଲିଜ୍ ହୋଇ ଆସୁଥିଲା ବଲିଉଡ୍ ଭାଇଜାନ୍ ସଲମାନ ଖାଁଙ୍କ ଫିଲ୍ମ। ଏହା ବକ୍ସ ଅଫିସରେ ହିଟ୍ ବି ହେଉଥିଲା। ଏଥର କିନ୍ତୁ ଏହି ରିଲିଜରେ ବ୍ରେକ୍ ଲାଗିଛି। କରୋନା ଭାଇରସ ସଂକ୍ରମଣ ଯୋଗୁ ସାରା ଦେଶରେ ଚାଲିଛି ଲକ୍ଡାଉନ ୪.୦। ଏହି ସମୟରେ ସଂକ୍ରମଣକୁ ଦୃଷ୍ଟିରେ ରଖି ଦେଶର ସମସ୍ତ ସିନେମା ହଲକୁ ବନ୍ଦ କରି ଦିଆଯାଇଛି। ତେଣୁ ଦେଶରେ ଗୋଟିଏ ଦିନ ପରେ ଇଦ୍ ପାଳନ କରାଯିବାକୁ ଥିଲେ ମଧ୍ୟ ଏଥର କୌଣସି ଫିଲ୍ମ ରିଲିଜ୍ ହୋଇନାହିଁ। ତେଣୁ ଏଥର ଇଦ୍ରେ ସିନେମା ହଲ୍ ସମ୍ନାରେ ଆଉ ଦର୍ଶକଙ୍କ ଭିଡ ଦେଖିବାକୁ ମିଳିବ ନାହିଁ। ସଲମାନଙ୍କ କଥା ଯଦି ଆଲୋଚନାକୁ ନିଆଯାଏ ତେବେ ୨୦୧୩ ବ୍ୟତୀତ ୨୦୧୦ରୁ ୨୦୧୯ ପର୍ଯ୍ୟନ୍ତ ପ୍ରତିବର୍ଷ ଇଦ୍ରେ ରିଲିଜ ହେଉଥିଲା ସଲମାନଙ୍କ ଅଭିନୀତ ଫିଲ୍ମ। ଏଥିର ମଧ୍ୟ ଇଦ୍ରେ ସଲମାନଙ୍କ ପ୍ରୋଜେକ୍ଟ ରାଧେ: ଇୟୋର ମୋଷ୍ଟ ଓ୍ବାଣ୍ଟେଡ ଭାଇ ରିଲିଜ୍ ହେବାର ଥିଲା। ହେଲେ କରୋନା ସଂକ୍ରମଣ ଯୋଗୁ ଏହାକୁ ସ୍ଥଗିତ ରଖିବାକୁ ପଡିଲା। କିନ୍ତୁ ପୂର୍ବରୁ ଇଦ୍ରେ ସଲମାନଙ୍କ ଯେଉଁସବୁ ଫିଲ୍ମ ରିଲିଜ ହୋଇଛି ତାହା କୋଟି କୋଟି ଟଙ୍କା ବ୍ୟବସାୟ କରିଛି। ୨୦୧୦ରେ ଦବଙ୍ଗ,୨୦୧୧ରେ ବଡିଗାର୍ଡ, ୨୦୧୨ରେ ଏକ ଥା ଟାଇଗର, ୨୦୧୪ରେ କିକ୍, ୨୦୧୫ରେ ବଜରଙ୍ଗି ଭାଇଜାନ, ୨୦୧୬ରେ ସୁଲତାନ, ୨୦୧୭ରେ ଟ୍ୟୁବଲାଇଟ୍, ୨୦୧୮ରେ ରେସ୍-୩ ଓ ୨୦୧୯ରେ ଭାରତ ଦର୍ଶକଙ୍କୁ ଖୁବ୍ ମନୋରଞ୍ଜନ ଦେଇଥିଲା।
