ଟିକ୍ରାପଡା, ୨ା୩(ଡି.ଏନ.ଏ.) ବଲାଙ୍ଗୀର ଜିଲା ମୁରିବାହାଲ ବ୍ଲକ ବାନ୍ଦୁପଲା ପଞ୍ଚାୟତ ଅଧିନ ସନ୍ଧିବାହାଲି ଗ୍ରାମର ସୁଦାମ ମାଝି (୨୦) ା ପାଞ୍ଚ ବର୍ଷ ହେବ କିଡ଼ନୀ ରୋଗରେ ଆକ୍ରାନ୍ତ ା ଟିଟିଲାଗଡ, ବଲାଙ୍ଗୀର, ବୁର୍ଲା ସରକାରୀ ଡାକ୍ତରଖାନା ଓ ଗ୍ରହ୍ମପୁର, ଚେନ୍ନାଇ, ବିଶାଖାପାଟଣାର ଏକ ବେସରକାରୀ ଡାକ୍ତରଖାନାରେ ଚିକିସତ୍ିତ ହୋଇ ଏଯାବତ୍ ତିନିଲକ୍ଷରୁ ଉର୍ଦ୍ଧ୍ୱ ଟଙ୍କା ଖର୍ଚ୍ଚ ହୋଇ ସାରିଲାଣି। ଗରିବ, ଆଦିବାସୀ ସମ୍ପଦାୟର ଦନାର ମାଝିଙ୍କ ଦୁଇପୁଅଙ୍କ ମଧ୍ୟରେ ସୁଦାମ ବଡ। ୨୦୧୫ରେ ମାଟ୍ରିକ ପରୀକ୍ଷା ପାସ୍ କଲା ପରେ କିଡ୍ନି ରୋଗରେ ସେ ରୋଗାକ୍ରାନ୍ତ ହୋଇଥିବା ଜଣା ପଡିଥିଲା ା ଯୁକ୍ତଦୁଇରେ ନାମ ଲେଖାଇବା ସହ ପୁଅ ରୋଜଗାରକ୍ଷମ ହୋଇ ପରିବାରକୁ ସାହାଯ୍ୟ କରିବ ବୋଲି ମା’ବାପାଙ୍କର ଆଶାରେ ପୂର୍ଣ୍ଣଛେଦ ପଡିଥିଲା ା ସମ୍ପର୍କୀୟଙ୍କଠାରୁ ଧାରକରଜ କରି ସେ ସୁଦାମଙ୍କୁ ଗୋଟିଏ ଡାକ୍ତରଖାନାରୁ ଅନ୍ୟାନ୍ୟ ଡାକ୍ତରଖାନାକୁ ଚିକିତ୍ସା ପାଇଁ ନେଇ ଚାଲିଲେ ା ହେଲେ ସ୍ବାସ୍ଥ୍ୟବସ୍ଥାରେ କୌଣସି ସୁଧାର ଆସିଲା ନାହିଁ ା ସୁନା ଗହଣା, ଜମି ବନ୍ଧା ପକାଇ ସୁଦାମଙ୍କ ଚିକିତ୍ସା କଲେ। ଏଯାବତ୍ ୩ଲକ୍ଷରୁ ଉର୍ଦ୍ଧ୍ୱ ଟଙ୍କା ଖର୍ଚ୍ଚ ହୋଇ ସାରିଲାଣି, ଆରୋଗ୍ୟ ହେବାର ସମ୍ଭାବନା ଦେଖା ଯାଉନି। ଏପଟେ ଉଧାର ଟଙ୍କା କିଭଳି ଶୁଝିବେ ଓ ଚାରି ପ୍ରାଣୀଙ୍କ ମୁହଁରେ ଦାନା ଦେବେ ସେହି ଚନ୍ତାରେ ଏବେ ସୁଦାମଙ୍କ ବାପା ଦିନ ରାତି ଘାରି ହେଉଛନ୍ତି। ସାନ ପୁଅ ସୁବଳ ନବମ ଯାଏ ପଢିବା ପରେ ଘରର ଅବସ୍ଥା ଦେଖି ପାଠ ପଢାରେ ଡୋରି ବାନ୍ଧିଲେ। ଏବେ ସେ ମୂଲ ମଜୁରି କରୁଛନ୍ତି। ବିପିଏଲ କାର୍ଡରେ ମିଳୁଥିବା ୨୦କିଗ୍ରା ଚାଉଳ ହିଁ ଘରର ସାହା ଭରସା ପାଲଟିଛି ା ଏପରିକି ବାହା ହୋଇ ସାରିଥିବା ଝିଅର ସୁନା ଗହଣାକୁ ମଧ୍ୟ ବନ୍ଧା ପକାଇ ଦେଇଛୁ ବୋଲି କୋହଭରା କଣ୍ଡରେ କହିଛନ୍ତି ସୁଦାମଙ୍କ ମା’ ବିଶାଖା । ଘରେ ଖାଇବାକୁ ଦାନା ନାହିଁ, ସେଥିରେ ପୁଣି ପୁଅର ଚିକିତ୍ସା ପାଇଁ ଅର୍ଥ ଯୋଗାଡ କିଭଳି କରିବୁ ା ଗତ ୧୭ତାରିଖରେ ବିଶାଖାପାଟଣାସ୍ଥିତ ସେଭେନହିଲ ଡାକ୍ତରଖାନାରେ ଭର୍ତ୍ତି କରିଥିଲୁ। ଟଙ୍କା ପଇସା ଅଭାବରୁ ଅଧିକ ଦିନ ଚିକିତ୍ସା କରାଇ ନ ପାରି ସାତଦିନ ପରେ ଫେରି ଆସିବାକୁ ବାଧ୍ୟ ହେଲୁ ବୋଲି ବିଶାଖା କହିଛନ୍ତି ା ଜିଲା ପ୍ରଶାସନ ଏଥିପ୍ରତି ଦୃଷ୍ଟିଦେଇ ଚିକିତ୍ସା ବ୍ୟବସ୍ଥା କରିବା ସହ ଆର୍ଥତ୍କ ସହଯୋଗ କରିବାକୁ ସେ ଆକୁଳ ନିବେଦନ କରିଛନ୍ତି।