ବୌଦ୍ଧ,୩।୭(ସ୍ବ.ପ୍ର): ବୌଦ୍ଧ ଜିଲା ହରଭଙ୍ଗା ବ୍ଲକ ଲୁଣିବାହାଲ ପଁଚେତ୍ ଅଧୀନ ଯୁବରାଜପୁର ଗାଁର ଭୀମସେନ ରଣା। ସେ ୫ ବଛର ତଲେ କିଡ଼୍ନୀ ରୋଗ୍ରେ ଆକ୍ରଁାତ ହେଇ ଦୁଇ କିଡ଼୍ନୀ ହରେଇଥିଲେ। ପୁଓର ଏନ୍ତା ଦୁଖ୍ ଦେଖି ମା’ ରେଖା ନିଜର ଗୁଟେ କିଡ଼୍ନୀ ଦେଇ ପୁଓର ଜୀବନ୍ ବଁଚେଇଥିଲେ। ହେଲେ ଘରର ରୁଜ୍ଗାରିଆ ପୁଓ କିଡ଼୍ନୀ ରୋଗ୍ରେ ପଡ଼ଲା ଉତାରୁ ତାକର ଚିକିସତ୍ା କରେଇ ପରିବାରଟା ସରବ୍ସୁଅଁାତ ହେଇଯାଇଛନ୍। ଇଆଡ଼େ ଭୀମସେନକଁର ମାଏକିନା ରିତାଞ୍ଜଳୀ ଆର ଦୁଇ ଛୁଆ ବି ଅଛନ୍। ମା’ ପୁଓକେ ଗୁଟେ କିଡ଼୍ନୀ ଦେଇ ନିଜେ ଠିକ୍ରେ କାମ୍ବୁତା ନାଇଁ କରିପାରବାର। ଏହେଦେ ଭୀମସେନକଁର ଫିଦିନିଅଁା ଉଷୋକଷା ଘିନବାର ଲାଗି ବି ପରିବାର ଲୋକ୍ ସକ୍ଷମ ନୁହଁନ୍। ଏନ୍ତାଥି କୁଟୁମ୍ଟା ଗୁଟେ ଭଂଗା ଦଦ୍ରା କୁରିଆରେ ରହୁଥିଲାବେଲେ ସରକାରକଁର ଆବାସ ଯୋଜନାରୁ ବଁଚିତ୍ ହେଇ ରହିଛନ୍। ଗୁଟେଆଡ଼େ ଆପ୍ନେ ଭୀମସେନ ପଡ଼ି ରହିଥିଲାବେଲେ ଇଆଡ଼େ ଶାଶୁର ଅବସ୍ତା ଦେଖି ରିତାଞ୍ଜଳୀ ଚିନ୍ତାରେ ପଡ଼ିଯାଇଛନ୍। ୫ ପରାନୀର ଲାଗି ହେନ୍ଥେଇ ଆହାର ଯୁଟାବେ, ଆପ୍ନେର ଉଷୋକଷା ଲାଗି କେନ୍ନୁ ଟଁକା ଖଁଜ୍ବେ ଇ ସବୁ ଚିନ୍ତାରେ ସେ ହରମେଶା ଘାରି ହେଉଛନ୍। ଇ ବାବ୍ଦେ ହରଭଙ୍ଗା ବିଡିଓ ରବିନ୍ଦ୍ର କୁମାର ଶତପଥିକୁଁ ପଚରାଲାରୁ ସେ ଘଟନାର ଗୁରୁତ୍କେ ବୁଝି ଭୀମସେନକଁର ପରିବାରକେ ଯେତେ ଜଲଦି ହେବା ସାହାଯ୍ ଯୁଗେଇ ଦେବାର ବେବସ୍ତା କରାଯିବା ବଲି କହିଥିଲେ।