ଫିରିଙ୍ଗିଆ,୨୭।୫-କୁଇ ଭାଷା ସାହିତ୍ୟ ସମିତି, ଓଡିଶା କୁଇଦିନା କନ୍ଧମାଳର ଚତୁର୍ଥ ବାର୍ଷିକ ସମ୍ମିଳନୀ ଫିରିଙ୍ଗିଆ ପଞ୍ଚାୟତ କଲେଜ ପାଖ କୁଇ ସମାଜ ପଡିଆରେ ଅନୁଷ୍ଠିତ ହୋଇଯାଇଛି। ସମିତି ସଭାପତି ଦୀନବନ୍ଧୁ କହଁରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ ସ୍ବତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ରଦନ ମଲ୍ଲିକ, ମୁଖ୍ୟବକ୍ତା ଭାବେ ପ୍ରଭାକର ପ୍ରଧାନ, ସମ୍ମାନିତ ଅତିଥି ଭାବେ ମିହିର ଚାନ୍ଦ ମଲ୍ଲିକ, ଚନ୍ଦ୍ରପତି ପ୍ରଧାନ, ଅବନୀ କୁମାର କହଁର, ରଞ୍ଜନ କୁମାର କହଁର, କୁଇ ସମାଜ ସମନ୍ବୟ ସମିତି ସାଧାରଣ ସମ୍ପାଦକ ଲମ୍ବୋଦର କହଁର, ଅଧ୍ୟାପିକା ଜ୍ୟୋତିର୍ମୟୀ କହଁର ପ୍ରମୁଖ ଯୋଗଦେଇ କୁଇ ଭାଷା ସଂସ୍କୃତିର ଉତ୍ଥାନ ପତନ ଉପରେ ଆଲୋଚନା କରିଥିଲେ । ଏଥିସହ ଏହି ଭାଷାର ସୁରକ୍ଷା ଏବଂ ବିକାଶ ଉପରେ ମଧ୍ୟ ଆଲୋଚନା ହୋଇଥିଲା । କୁଇ ଭାଷାକୁ ସମ୍ବିଧାନ ୮ମ ପରିଚ୍ଛେଦରେ ସ୍ଥାନିତ କରିବା ପାଇଁ ଚେଷ୍ଟା କରାଯିବ । କୁଇ ଭାଷାର ସାହିତ୍ୟ ସୃଷ୍ଟି ହୋଇଛି । କୁଇ ଲିପି ଲେଖା ଯାଇଛି । ୫ ଜଣ ଏହାକୁ ଲେଖିଛନ୍ତି। ସେଥିମଧ୍ୟରୁ ଗୋଟିଏ ଚିହ୍ନଟ ହେବ । କୁଇ ସାହିତ୍ୟ ଓଡିଆ ଲିପିରେ ଲେଖାଯାଇଛି । ଏହି ଭାଷା ସମ୍ବିଧାନରେ ସ୍ଥାନିତ ହେବା ପର୍ଯ୍ୟନ୍ତ ଭାଷା ଆନ୍ଦୋଳନ କରାଯିବାକୁ ସର୍ବସମ୍ମତିକ୍ରମେ ନିଷ୍ପତ୍ତି ହୋଇଥିଲା । ଏହି ଅବସରରେ ବାର୍ଷିକ ମୁଖପତ୍ର କୁଇଦିନା ଡିଟି ଏବଂ କୁଇ-ଓଡିଆ-ଇଂରାଜୀ ଅଭିଧାନକୁ ଅତିଥିମାନେ ଉନ୍ମୋଚନ କରିଥିଲେ । କୁଇ ଭାଷା ସାହିତ୍ୟ ସମିତି ମୁଖ୍ୟ ସମ୍ପାଦକ ଡ. ନୀରଦ ଚନ୍ଦ୍ର କହଁର, ସମ୍ପାଦକ ଗଣପତି ମଲ୍ଲିକ ପ୍ରମୁଖଙ୍କ ପ୍ରତ୍ୟେକ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।