ବେଳେବେଳେ ଅଦ୍ଭୁତ ପ୍ରକାରର ମାମଲା ଥାନାରେ ପହଞ୍ଚେ, ଯାହାକି ପୋଲିସ ପାଇଁ ମୁଣ୍ଡବ୍ୟଥାର କାରଣ ପାଲଟିଥାଏ। ସେହିପରି ଏକ ମାମଲା ଥାନାରେ ରୁଜୁ ହୋଇଛି, ଏହା ଯେତିକି ହାସ୍ୟାସ୍ପଦ ସେତିକି ଗୁରୁତ୍ୱପୂର୍ଣ୍ଣ। ମଧ୍ୟ ନିଦ ଭାଙ୍ଗୁଥିବା
ଏକ କୁକୁଡ଼ା ରାବରେ ନିଦ୍ରାରେ ବ୍ୟାଘାତ ହେବା ଏବଂ ତା’ ରାବ ବିରକ୍ତିକର ହେତୁ ଅତିଷ୍ଠ ହୋଇ ଜଣେ ମହିଳା ଥାନାରେ କୁକୁଡ଼ା ବିରୋଧରେ ଅଭିଯୋଗ କରିଛନ୍ତି, ଯାହା ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ। ଏପରି ଏକ ଘଟଣା ଘଟିଛି ମହାରାଷ୍ଟ୍ରର ପୁଣେରେ। ସେଠାକାର ଜଣେ ଥାନାଧିକାରୀ କହିଛନ୍ତି, ମହିଳା ଜଣକ ପୋଲିସ ଷ୍ଟେଶନରେ ପହଞ୍ଚତ୍ କୁକୁଡ଼ା ଓ ତା’ର ମାଲିକ ନାଁରେ ଅଭିଯୋଗ କରି କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଥିଲେ।
ଉକ୍ତ ଅଭିଯୋଗ ପତ୍ରରେ ମହିଳା ଜଣକ ଉଲ୍ଲେଖ କରିଛନ୍ତି ଯେ, ତାଙ୍କ ଘର ସାମ୍ନାରେ ରହୁଥିବା ଏକ କୁକୁଡ଼ା ସକାଳୁ ବୋବେଇବାରୁ ତାଙ୍କର ନିଦ ଭାଙ୍ଗିଯାଏ। ଅଧିକାରୀ ଜଣଙ୍କ କହିଲେ କି ଏହି ଅଭିଯୋଗର ସତ୍ୟତା ଯାଞ୍ଚ କରିବାକୁ ପୋଲିସ ସମ୍ପୃକ୍ତା ମହିଳାଙ୍କ ଘରକୁ ଯାଇଥିଲା, ଯେଉଁଠି ସେ ଜାଣିବାକୁ ପାଇଥିଲା କି ସେ ଘର ମହିଳାଙ୍କର ନୁହେଁ, ତାଙ୍କ ଭଉଣୀଙ୍କର। ସେଠାକୁ ସେ କିଛିଦିନ ରହିବାକୁ ଆସିଥିଲେ। ଅଭିଯୋଗ କରି ସେ ଚାଲିଯାଇଛନ୍ତି। ତାଙ୍କ ଭଉଣୀ କହିଲେ ଯେ, ସେ ଏକ ଅଜବ ପ୍ରକାର ଝିଅ। ଏହା ଜାଣିବା ପରେ ପୋଲିସ ମାମଲା ରୁଜୁ କରି ନ ଥିଲା।
ଏହା ପୂର୍ବରୁ ମଧ୍ୟପ୍ରଦେଶରେ ଏହିଭଳି ଏକ ଘଟଣା ଘଟିଥିଲା। ଜଣେ ମହିଳାଙ୍କ ଛୋଟ ଝିଅକୁ କୁକୁଡ଼ା ଖୁମ୍ପିଦେବା ଫଳରେ ମହିଳା ଜଣକ କୁକୁଡ଼ା ଏବଂ ତା’ ମାଲିକ ନାଁରେ ଅଭିଯୋଗ କରିଥିଲେ। ପରେ ସେ ମାଲିକଙ୍କୁ ଜେଲ ପଠାଇବାକୁ କହିଥିବା ବେଳେ କୁକୁଡ଼ାର କୌଣସି କ୍ଷତି ନ କରିବା ପାଇଁ ପୋଲିସକୁ କହିଥିଲେ।