ନୂଆଦିଲ୍ଲୀ: ନିଜକୁ ଫିଟ୍ ରଖିବା ପାଇଁ ସମସ୍ତେ ଯୋଗ ଏବଂ ବ୍ୟାୟାମ କରିଥାନ୍ତି। ଏବେ ତ ବିଭିନ୍ନ ପ୍ରକାରର ବ୍ୟାୟାମକୁ ନେଇ ସୋସିଆଲ୍ ମିଡିଆରେ ବିଭିନ୍ନ ପ୍ରକାରର ଚ୍ୟାଲେଞ୍ଜ ବି ଦିଆଯାଉଛି। କିଛିଦିନ ତଳେ ସୋସିଆଲ୍ ମିଡିଆରେ ଲୋକେ ପୁସ୍ ଅପ୍ ଚ୍ୟାଲେଞ୍ଜ ଦେଉଥିଲେ। ଏବେ ଏହି ଚ୍ୟାଲେଞ୍ଜକୁ କୁକୁରମାନେ ବି ଫଲୋ କରୁଛନ୍ତି। ଅର୍ଥାତ୍ କୁକୁର ବି ବ୍ୟାୟାମ କରୁଛନ୍ତି। କୁକୁରଟିଏ ପୁସ୍ ଅପ୍ କରୁଥିବାର ଏକ ଭିଜୁଆଲ୍ ଏବେ ସୋସିଆଲ୍ ମିଡିଆରେ ଢେର୍ ଚର୍ଚ୍ଚିତ ହୋଇଛି।
ବ୍ୟାୟାମ କରୁଥିବା କୁକୁରଟି ହେଉଛି ଅଷ୍ଟ୍ରେଲିଆ ପୋଲିସ୍ ଫୋର୍ସର। ଅଷ୍ଟ୍ରେଲିଆ ପୋଲିସ୍ଙ୍କ ସହିତ କୁକୁରଟି ଏକାଠି ବସି ପୁସ୍ ଅପ୍ ଚ୍ୟାଲେଞ୍ଜକୁ ଗ୍ରହଣ କରି ତାଙ୍କ ସହିତ ସମାନ ଭାବରେ ଏହାକୁ କରୁଛି। କୁକୁରଟିର ଏଭଳି ଭାବରେ ପୁସ୍ ଅପ୍ ମାରିବା ଲୋକଙ୍କୁ ବେଶ୍ ମଜାଦାୟକ ମନେ ହୋଇଛି। ସେଥିପାଇଁ ସୋସିଆଲ୍ ମିଡିଆରେ ଏହି ଭିଡିଓକୁ ଲୋକେ ବେଶ୍ ପସନ୍ଦ କରିଛନ୍ତି। ଭିଡିଓଟିକୁ ଏବେ ସୁଦ୍ଧା ୧.୭ ଲକ୍ଷରୁ ଅଧିକ ଲୋକ ଦେଖି ସାରିଲେଣି ଏବଂ ୮ ହଜାରରୁ ଅଧିକ କମେଣ୍ଟ ମିଳିଛି। ଭିଡିଓକୁ ଦେଖିବା ପରେ କିଛିଲୋକ ଏହାକୁ ପ୍ରେରଣାଦାୟକ କହିଥିବାବେଳେ କେତେକ ଏହାକୁ ଏକ ସୁନ୍ଦର ଆଉ ସୁନାପିଲା ଭଳି କାମ ବୋଲି କହିନ୍ତଛି। ତେବେ କୁକୁରର ପୁସ୍ ଅପ୍ ଷ୍ଟାଇଲ୍ ଲୋକଙ୍କୁ ଆକୃଷ୍ଟ କରିବା ସହ ଜୀବନରେ ବ୍ୟାୟାମର ଉପକାରିତାକୁ ମନେ ପକାଇ ଦେଇଛି। ଆଉ କେତେଜଣ ତ ଏହି ପୋଲିସ୍ କୁକୁରଟିକୁ ଜିମ୍ ଟ୍ରେନର ହେବା ପାଇଁ ପରାମର୍ଶ ଦେଇଛନ୍ତି।