ଭଞ୍ଜନଗର,୭।୯(ଡି.ଏନ.ଏ.)- ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ଗାଲେରୀ ରେଞ୍ଜ ଜଡ଼ାହାଟୁଣି ନିକଟରେ ଶୁକ୍ରବାର ସନ୍ଧ୍ୟାରେ କୁକୁର ଆକ୍ରମଣରେ ଗୋଟିଏ ସମ୍ବରର ମୃତ୍ୟୁ ଘଟିଛି। ବନ କର୍ମଚାରୀ ଶନିବାର ସକାଳେ ସମ୍ବରଟିକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଭଞ୍ଜନଗର ପ୍ରାଣୀ ଚିକିତ୍ସାଳୟକୁ ଆଣିଥିଲେ। ବ୍ୟବଚ୍ଛେଦ ପରେ ସମ୍ବରଟିକୁ ଲାଲସିଂ ନର୍ସରୀ ପରିସରରେ ପୋତି ଦିଆଯାଇଛି। ପ୍ରକାଶଯେ ଶୁକ୍ରବାର ସନ୍ଧ୍ୟାରେ ଜଡ଼ାହାଟୁଣି ନିକଟସ୍ଥ ଜଙ୍ଗଲରୁ ସମ୍ବରଟି ବାହାରି ଧାନ ଜମିରେ ଫସଲ ଖାଉଥିଲା। ବୁଲାକୁକୁର ସମ୍ବରଟିକୁ ଆକ୍ରମଣ କରିଥିଲେ। ବନକର୍ମଚାରୀ ସମ୍ବରଟିକୁ ଉଦ୍ଧାର କରିବାବେଳକୁ ମୃତ୍ୟୁ ହୋଇସାରିଥିଲା।