ବଲିଉଡ ଷ୍ଟାର ସୁଶାନ୍ତ ସିଂହ ରାଜପୁତ ବେକରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ମାତ୍ର ୩୪ ବର୍ଷ ବୟସରେ ସେ କାହିଁକି ଏଭଳି ଚରମ ପଦକ୍ଷେପ ନେଲେ, ତା’ର କାରଣ ଏଯାଏ ଜଣାପଡିନାହିଁ। କିନ୍ତୁ ତାଙ୍କ ଆତ୍ମହତ୍ୟାକୁ ନେଇ ଚର୍ଚ୍ଚା ଥମୁନି। ସୁଶାନ୍ତଙ୍କ ମୃତ୍ୟୁରେ ବଲିଉଡ୍ର ଅନେକ ସେଲିବ୍ରିଟି ଶୋକ ପ୍ରକାଶ କରିଛନ୍ତି। କେବଳ ସେଲିବ୍ରିଟି ନୁହେଁ, ସୁଶାନ୍ତ ପାଳିତ କୁକୁର ଫଜ୍ ମଧ୍ୟ ତାଙ୍କ ମୃତ୍ୟୁରେ ସମ୍ପୂର୍ଣ୍ଣ ଭାଙ୍ଗିପଡିଛି। ସେ ଘର ସାରା ତାଙ୍କୁ ଖୋଜୁଛି। ନ ପାଇବାରୁ ଦୁଃଖରେ ବସିରହୁଛି। ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ କୁକୁର ସୁଶାନ୍ତଙ୍କୁ ଖୋଜି ଖୋଜି ବାରମ୍ବାର କବାଟ ପାଖକୁ ଯାଇ ପୁଣି ଫେରିଆସୁଥିବାର ଦେଖାଯାଇଛି। ଫୋନରେ ସୁଶାନ୍ତଙ୍କ ଫଟୋ ଦେଖି ସେଠି ବସିରହୁଛି ଫଜ୍। ଜୁନ୍ ୧୪ରେ ସୁଶାନ୍ତ ନିଜ ମୁମ୍ବାଇ ସ୍ଥିତ ବାସଭବନରେ ଆତ୍ମହତ୍ୟା କରିଥିଲେ। ମାନସିକ ଅବସାଦ ଯୋଗୁ ସେ ଏଭଳି ଚରମ ପଦକ୍ଷେପ ନେଇଥିବା କୁହାଯାଉଛି।