ଖଇରା,୧୮।୪(ଡି.ଏନ.ଏ.)- ନବୀନ ସରକାର କ୍ଷମତାକୁ ଆସିବା ପରେ ସ୍ବୟଂସହାୟିକା ଗୋଷ୍ଠୀ ମାଧ୍ୟମରେ ମହିଳାଙ୍କୁ ଆତ୍ମନିର୍ଭରଶୀଳ କରିପାରିଛନ୍ତି। ସେମାନଙ୍କ ଆର୍ଥୀକ ଓ ସାମାଜିକ ବିକାଶ ହେବା ସହିତ ଦେଶର ଅଭିବୃଦ୍ଧିରେ ସେମାନଙ୍କର ସହଯୋଗ ଅତ୍ୟନ୍ତ ପ୍ରଶଂସନୀୟ। ଓଡିଶା ଜୀବିକା ମିଶନ ମାଧ୍ୟମରେ ସରକାର ସେମାନଙ୍କ ପାଇଁ ବିନା ସୁଧରେ ଋଣ ଓ ରିହାତିରେ କୃଷିଯନ୍ତ୍ରପାତି ଇତ୍ୟାଦିର ବ୍ୟବସ୍ଥା କରି ବିକଶିତ ଓଡିଶା ଗଠନ ପାଇଁ ଉଦ୍ୟମ କରିଆସୁଛି ା ଏଣୁ ଉପକୃତ ହୋଇଥିବା ଏହି ମହି ଳା ବା ମାତୃଶକ୍ତିର ଆଶିର୍ବାଦରେ ନବୀନ ସରକାର ପୁଣିଥରେ କ୍ଷମତାକୁ ଆସିବ ା ଏଣୁ ମହିଳା ମାନେ ଏକ ହୋଇ ଚଳିତ ନିର୍ବାଚନରେ ବିଜେଡିର ଏମ୍ପି ପ୍ରାର୍ଥୀ ମଞ୍ଜୁଲତା ମଣ୍ଡଳ ଓ ବିଧାୟକ ପ୍ରାର୍ଥୀ ଜ୍ୟୋତିପ୍ରକାଶ ପାଣିଗ୍ରାହୀଙ୍କୁ ବିଜୟୀ କରିବାକୁ କୁପାରୀ ଠାରେ ବିଶାଳ ମିଶନଶକ୍ତି ସମାବେଶରେ ବିଜେଡି ନେତୃବୃନ୍ଦ ଆହ୍ବାନ ଦେଇଛନ୍ତି। ବ୍ଲକ୍ ବିଜେଡି ସଭାପତି ବ୍ରଜକିଶୋର ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ସମାବେଶରେ ଏମପି ପ୍ରାର୍ଥୀ ଓ ବିଧାୟକ ପ୍ରାର୍ଥୀଙ୍କ ସମେତ ବ୍ଲକ୍ ଉପାଧ୍ୟକ୍ଷ ଜୟନ୍ତ କୁମାର ରାଉତ, ଧାମନଗର ବିଧାୟକ ମୁକ୍ତିକାନ୍ତ ମଣ୍ଡଳ, ଜିଲା ପର୍ଯ୍ୟବେକ୍ଷିକା ସୁମିତ୍ରା ଜେନା, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଉପେନ୍ଦ୍ର ପ୍ରସାଦ ପାଢୀ, ଜୟନ୍ତୀ ପତି ପ୍ରମୁଖ ଯୋଗଦେଇ ମହିଳା ସଶକ୍ତିକରଣ ଉପରେ ବକ୍ତବ୍ୟ ରଖିଥିଲେ। ସମାବେଶ ପ୍ରାରମ୍ଭରେ ଏକ ଶୋଭାଯାତ୍ରା କୁପାରୀ ବଜାର ପରିକ୍ରମା କରିବାପରେ ସମାବେଶ ସ୍ଥଳରେ ପହଞ୍ଚିଥିଲା। ପ୍ରାରମ୍ଭରେ ବିଜୁବାବୁଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯାଇଥିଲା ା