ମୁମ୍ବାଇ: କୃତି ଖରବନ୍ଦା ଏବଂ ପୁଲକିତ ସମ୍ରାଟ ଦୁହେଁ ଦୀର୍ଘ ଦିନ ହେବ ଲିଭ୍ ଇନ୍ ରିଲେଶନସିପ୍ରେ ରହୁଛନ୍ତି। କରୋନା ପାଇଁ ସାରା ଦେଶରେ ଲକ୍ଡାଉନ୍ ଘୋଷଣା କରାଯାଇଥିବା ବେଳେ ଏହି ଲଭ୍ବାର୍ଡ ଦୁହେଁ ଦୁହିଁଙ୍କ ସହିତ କ୍ୱାଲିଟି ସମୟ ବିତାଉଛନ୍ତି। ଦୁଇଣଙ୍କର ସୁନ୍ଦର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଶେୟାର କରୁଛନ୍ତି। ଗତ କିଛିଦିନ ତଳେ କୃତି ଦୁହିଁଙ୍କର ଏକ ଫନୀ ଭିଡିଓ ଇନ୍ଷ୍ଟାରେ ଶେୟାର କରିଥିଲେ, ଯେଉଁଥିରେ ପୁଲକିତଙ୍କୁ ଜବରଦସ୍ତି ହେୟାର୍ରେ ଅଏଲ୍ ମସାଜ୍ କରିବାକୁ କହୁଛନ୍ତି। ଏହି ଭିଡିଓରେ ପୁଲକିତଙ୍କୁ ସେ ଚମ୍ପକ ବୋଲି ସମ୍ବୋଧନ କରୁଛନ୍ତି। ପୁଲକିତ ତାଙ୍କ ହେୟାର ଚମ୍ପି ମଧ୍ୟ କରିଦେଉଛନ୍ତି। ତେବେ ଏହି ଭିଡିଓକୁ ଫ୍ୟାନ୍ମାନେ ବେଶ୍ ପସନ୍ଦ ମଧ୍ୟ କରିଛନ୍ତି। ଶେଷରେ ପୁଲକିତଙ୍କୁ ଏତେ ସୁନ୍ଦର ମସାଜ୍ କରିଥିବାରୁ ଧନ୍ୟବାଦ ଦେଇଛନ୍ତି କୃତି । କୃତି କହିଛନ୍ତି, ଇଏ ହେଉଛି ଆମର କ୍ୱାରାଣ୍ଟାଇନ ମେମୋରି। ପୁଲକିତଙ୍କ ଭାଇଙ୍କ ଏନ୍ଗେଜ୍ମେଣ୍ଟକୁ ଯାଇଥିଲି। ଦୁହେଁ ଇଣ୍ଟରନ୍ୟାସ୍ନାଲ ଫ୍ଲାଇଟ୍ରେ ମୁମ୍ବାଇ ଆସିଥିଲୁ। ସେବେ ଟିକେ ଫିଭର ଆସିଥିଲା। କରୋନା ସଂକ୍ରମଣକୁ ନେଇ ଡରିଯାଇଥିଲି। ସେଥିଲାଗି ଆମେ କ୍ୱାରାଣ୍ଟାଇନ୍ରେ ଥିଲୁ। କିନ୍ତୁ ଟେଷ୍ଟ ରିପୋର୍ଟ ନେଗେଟିଭ ଆସିଥିଲା।