ନୂଆଦିଲ୍ଲୀ,୧୧।୧୨: ହରିୟାଣା-ଦିଲ୍ଲୀର ସିଙ୍ଘୁ ସୀମାରେ ଦୀର୍ଘ ୧୬ ଦିନ ହେଲା ଚାଲିଥିବା କୃଷକ ଆନ୍ଦୋଳନଠାରେ ମୁତୟନ ହୋଇଥିବା ଦୁଇ ଆଇପିଏସ୍ ଅଫିସର କରୋନାରେ ଆକ୍ରାନ୍ତ। ଦିଲ୍ଲୀ ପୋଲିସ ଅନୁଯାୟୀ, ଉଭୟ ଅଫିସର ଏବେ ହୋମ ଆଇସୋଲେଶନରେ ଅଛନ୍ତି। ଆଉଟର ନର୍ଥ ଡେପ୍ୟୁଟି ସୁପ୍ରିଟେଟେଣ୍ଟ ଅଫ୍ ପୋଲିସ ଗୌରବ ଓ ଅତିରିକ୍ତ ଡିସିପି ଘନଶ୍ୟାମ ବଂଶଲଙ୍କ କରୋନା ଟେଷ୍ଟ ରିପୋର୍ଟ ପଜେଟିଭ ଆସିଛି। ଦୁହେଁ ସିଙ୍ଘୁ ସୀମାରେ ପୋଲିସ ଟିମ୍ର ନେତୃତ୍ୱ ନେଉଥିଲେ। ଅନ୍ୟପକ୍ଷରେ କୃଷକଙ୍କ ଆନ୍ଦୋଳନ ଯୋଗୁ ସରକାରଙ୍କ ଉପରେ ଚାପ ବଢ଼ିବାରେ ଲାଗିଛି। ଦିଲ୍ଲୀ ସୀମାକୁ ଲାଗିଥିବା ଟୋଲ ପ୍ଲାଜା ଓ ଡିଷ୍ଟ୍ରିକ୍ଟ କଲେକ୍ଟରଙ୍କ କାର୍ଯ୍ୟାଳୟ ସାମ୍ନାରେ ଶନିବାର ଧାରଣା ଦେବେ ବୋଲି କହିଛନ୍ତି ବିକ୍ଷୋଭକାରୀ କୃଷକମାନେ। ଏହା ବ୍ୟତୀତ ଜୟପୁର-ଦିଲ୍ଲୀ ହାଇଓ୍ବେ ଓ ଦିଲ୍ଲୀ-ଆଗ୍ରା ଏକ୍ସପ୍ରେସଓ୍ବେକୁ ମଧ୍ୟ ବ୍ଲକ କରିବାକୁ ଧମକ ଦେଇଛନ୍ତି।
