ବୁଗୁଡ଼ା,୨୧ା୫(ଡି.ଏନ୍.ଏ.)- ବୁଗୁଡ଼ା ବ୍ଲକର କୃଷକମାନଙ୍କ କୃଷିଋଣ ଛାଡ଼ ଏବଂ ଋଣ ନବୀକରଣ କୋହଳ କରିବାକୁ ଗୁରୁବାର ସ୍ଥାନୀୟ ବ୍ଲକ କଂଗ୍ରେସ ତରଫରୁ ରାଜ୍ୟପାଳଙ୍କ ଉଦ୍ଦେଶ୍ୟରେ ବିଡିଓ ତନ୍ମୟ ପାତ୍ରଙ୍କୁ ଦାବିପତ୍ର ପ୍ରଦାନ କରାଯାଇଛି। ଲକ୍ଡାଉନ ଅଞ୍ଚଳର ଚାଷୀଙ୍କ ଆର୍ଥିକ ମେରୁଦଣ୍ଡ ଭାଙ୍ଗିଦେଇଛି। ଏପରି ଅଭାବନୀୟ ସ୍ଥିତିକୁ ଦୃଷ୍ଟିରେ ରଖି ସେମାନଙ୍କର ୨୦୨୦-୨୧ର କୃଷି ଋଣକୁ ସମ୍ପୂର୍ଣ୍ଣ ଛାଡ଼ ଏବଂ ଋଣ ନବୀକରଣ କୋହଳ କରି ଚାଷୀମାନଙ୍କ ଠାରୁ ଜୋରଜବରଦସ୍ତ ଭାବେ ମୂଳ ଋଣ ଟଙ୍କା ଆଦାୟ ନ କରିବା ପାଇଁ ବିଭିନ୍ନ ରାଷ୍ଟ୍ରାୟତ୍ତ ବ୍ୟାଙ୍କ ଓ ସମବାୟ ବ୍ୟାଙ୍କମାନଙ୍କୁ ସରକାର ନିର୍ଦ୍ଦେଶ ଦେବା ସକାଶେ କଂଗ୍ରେସ ତରଫରୁ ଜିଲା କଂଗ୍ରେସ ସମ୍ପାଦକ ଜାନକୀ ବଲ୍ଲଭ ରାଉତ, କରଚୁଲି ଜୋନ ସଭାପତି ଶଙ୍କର୍ଷଣ ବେହେରା, ଏନଏସି ଓବିସି ମୋର୍ଚ୍ଚା ସଭାପତି ସୁଜିତ କୁମାର ସ୍ବାଇଁ ଓ ହରିଜନ ଆଦିବାସୀ ମୋର୍ଚ୍ଚା ସଭାପତି ଗନ୍ଧମାର୍ଦ୍ଦନ ସେଠୀ ରାଜ୍ୟପାଳ, ମୁଖ୍ୟମନ୍ତ୍ରୀ, କୃଷିମନ୍ତ୍ରୀ, ମୁଖ୍ୟ ଶାସନ ସଚିବଙ୍କୁ ଲିଖିତ ଭାବେ ବିଡିଓଙ୍କ ମାଧ୍ୟମରେ ଜଣାଇଛନ୍ତି।