ବରୀ/ରତ୍ନଗିରି,୧ା୧୨(ସ୍ବ.ପ୍ର./ଡି.ଏନ୍.ଏ.)- ବରୀ ବ୍ଲକ ଅଧୀନ କୃଷ୍ଣନଗର ଗ୍ରାମରେ ଥିବା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରୁ ଶନିବାର ବିଳମ୍ବିତ ରାତିରେ ଚୋରି ହୋଇଥିବା ଅଭିଯୋଗ ହୋଇଛି। ଦୁର୍ବୃତ୍ତମାନେ ସ୍ବାସ୍ଥ୍ୟକେନ୍ଦ୍ର ତାଲାଭାଙ୍ଗି ଲକ୍ଷାଧିକ ଟଙ୍କାର ବହୁ ସାମଗ୍ରୀ ଚୋରି କରି ନେଇଥିବା ରବିବାର ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଡା. କୈବଲ୍ୟ ଚରଣ ମଲ୍ଲିକ ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଆଧାରରେ ପୋଲିସ ଏକ ମାମଲା (ନଂ.୨୬୯/୧୯) ରୁଜୁ କରି ତଦନ୍ତ ଆରମ୍ଭ କରିଥିବା ଥାନା ଅଧିକାରୀ ମାର୍କଣ୍ଡ ମିଶ୍ର ସୂଚନା ଦେଇଛନ୍ତି।
ପ୍ରକାଶ ଯେ, ସଂନ୍ଧ୍ୟାରେ ସ୍ବାସ୍ଥ୍ୟକେନ୍ଦ୍ର ବନ୍ଦ କରି ଡାକ୍ତର, ଫାର୍ମାଶିଷ୍ଟ, ଆଟେଣ୍ଡାନ ଘରକୁ ଚାଲିଯାଇଥିଲେ। ହେଲେ ସକାଳେ ସ୍ବାସ୍ଥ୍ୟକେନ୍ଦ୍ରର ୨ ଫାଟକରେ ଲାଗିଥିବା ତାଲା ଭଙ୍ଗା ଯାଇଥିବା ସହ ସ୍ବାସ୍ଥ୍ୟକେନ୍ଦ୍ରରେ ଥିବା ଏକ ଡେସ୍କଟପ୍, ମନିଟର, ୟୁପିଏସ୍, ଇନ୍ଭଟର ଓ ୨ ବ୍ୟାଟେରୀ ଚୋରି ହୋଇଥିବା ଜଣାପଡିଥିଲା। ଏଥିସହ ଏକ ପୁରୁଣା ବାଇକକୁ ଦୁର୍ବୃର୍ତ୍ତମାନେ ସ୍ବାସ୍ଥ୍ୟକେନ୍ଦ୍ର ଭିତରୁ ବାହାର କରି କିଛି ବାଟରେ ଫିଙ୍ଗି ଦେଇ ଚାଲିଯାଇଥିବା କୈବଲ୍ୟ ଥାନାରେ ଅଭିଯୋଗ କରିଛନ୍ତି।