କୃଷ୍ଣପ୍ରସାଦ,୨୨।୫(ଡି.ଏନ୍.ଏ.): ମହାରାଷ୍ଟ୍ରରୁ ଆସିଥିବା ୨ ପ୍ରବାସୀଙ୍କୁ ପୁରୀ ଜିଲା କୃଷ୍ଣପ୍ରସାଦ ବ୍ଲକ ପ୍ରଶାସନ ରାସ୍ତାରେ ଛାଡ଼ି ଚାଲଯାଇଛି। ଏହି ଘଟଣା ଅଞ୍ଚଳରେ ଚହଳ ସୃଷ୍ଟି କରିଛି ।
ଖବର ନେବାରେ ଜଣାପଡିଛି, ନିଜ ଖର୍ଚ୍ଚରେ କୃଷ୍ଣପ୍ରସାଦ ବ୍ଲକ ଦୀପାଞ୍ଚଳର ୨ ଜଣ ପ୍ରବାସୀ ମହାରାଷ୍ଟ୍ରରୁ ଭୁବନେଶ୍ୱରରେ ପହଞ୍ଚି ଥିଲେ। ସେଠାରୁ ପ୍ରଶାସନ କୃଷ୍ଣପ୍ରସାଦ ବ୍ଲକର ପାଇକରାୟ ପୁରରେ ଥିବା କରୋନା ସଂଗରୋଧ କେନ୍ଦ୍ରରେ ପହଞ୍ଚାଇଥିଲେ। ବ୍ଲକ ପ୍ରଶାସନ ସେମାନଙ୍କୁ ନେଇ ବିଳମ୍ବିତ ରାତ୍ରିରେ ଜହ୍ନିକୁଦା ଚିଲିକା କୂଳରେ ଛାଡ଼ି ଚାଲିଯାଇଥିଲା। ଫଳରେ ଗୁରୁବାର ବିଳମ୍ବିତ ରାତ୍ରିରୁ ଜଣେ ପୁରୁଷ ଏବଂ ଜଣେ ମହିଳା ଶୁକ୍ରବାର ମଧ୍ୟାହ୍ନ ଯାଏ ବସି ରହିଛନ୍ତି। ଏପରିକି ସେମାନେ ଉପବାସରେ ଥିବା ଜଣାପଡ଼ିଛି। ତାଙ୍କୁ କିଏ ନିଜ ଗ୍ରାମ ମଏଶା ଗାଁ କୁ ନେବ ସେନେଇ କିଛି ଜଣାପଡ଼ିନାହିଁ। ଅପରପକ୍ଷେ ପ୍ରଶାସନର ଏଥିପ୍ରତି ଗୁରୁତ୍ୱ ନାହିଁ । ଏନେଇ ବିଡିଓ ଅଭିମନ୍ୟୁ ମାଝିଙ୍କୁ ପଚାରିବାରୁ ସେ କହିଛନ୍ତି, ଏମିତି କିଛି ହୋଇନାହିଁ। ମୁଁ ବୁଝିିବା ପରେ ତାର ସମାଧାନ କରିବି। ହେଲେ ଏଥି ପ୍ରତି ଜିଲାପାଳ ଦୃଷ୍ଟି ଦେବା ସହ ଅବହେଳା କରିଥିବା କର୍ମଚାରୀଙ୍କ ବରୋଧରେ ବିହିତ କାର୍ଯ୍ୟାନୁଷ୍ଠାନ ପାଇଁ ଦାବି ହେଉଛି ।