ବଡବିଲ,୨୪।(ସ୍ବ.ପ୍ର.): କେନ୍ଦୁଝର ଜିଲା ଯୋଡା ଖଣି ସର୍କଲର ଟଣ୍ଟୋସ୍ଥିତ ମେସର୍ସ କେ ଏନ୍ ରାମ(ଖାଟଉ ନର୍ଭେରାମ ଏଣ୍ଡ କୋ)ର ରୋଇଡା -୨ ଲୌହ ଖଣିରୁ ସାଇଜ ଲୁହାପଥର ଚୋରି ହୋଇଥିଲା। ଏହି ଘଟଣାରେ ବଡବିଲ ପୋଲିସ ସୋମବାର ୮୫ ମେଟ୍ରିକ ଟନ ସାଇଜ ଲୁହାପଥର ବୋଝେଇ ୨ ଟି ଟିପ୍ପର ଜବତ କରିବା ସହ ଘଟଣାରେ ସଂପୃକ୍ତ ୫ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ କମ୍ପାନୀ ଖଣିରେ ନିୟୋଜିତ ଓଜନ କଣ୍ଟା ଅପରେଟର ରାଜୁ ନସ୍କାର, ସୁରକ୍ଷା କର୍ମୀ ବୁଧିରାଜ ଗୁରୁଙ୍ଗ, ୧୨ ଚକିଆ ଟିପ୍ପର ମାଲିକ ରକି ଏବଂ ଚାଳକ ପିଣ୍ଟୁ କୁମାର, ୧୪ ଚକିଆ ଟିପ୍ପର ମାଲିକ ସଂଜୟ କୁମାର ସାହା। ପୋଲିସ କେସ ନଂ. ୨୬/୨୦ରେ ଏକ ମାମଲା ରୁଜୁ କରି ସମସ୍ତଙ୍କୁ କୋର୍ଟ ଚାଲାଣ କରିଛି