କେନାଲକୁ ଖସିଲା ବସ୍‌: ଚାଲିଗଲା ୯ ଜୀବନ
4:55 pmDecember 15, 2021 / 07

ହାଇଦ୍ରାବାଦ୍‌,୧୫।୧୨: ଆନ୍ଧ୍ରପ୍ରଦେଶର ପଶ୍ଚିମ ଗୋଦାବରୀ ଜିଲାରେ ବୁଧବାର ଏକ ବଡ଼ ଦୁର୍ଘଟଣା ଘଟିଛି। ଏଠାରେ ଏକ ବସ୍‌ ବ୍ରିଜ୍‌ ଉପରୁ କେନାଲକୁ ଖସି ଯିବାରୁ ୯ ଜଣଙ୍କର ମୃତ୍ୟୁ ଘଟିଛି। ଏଥିରେ ୨୨ ଜଣ ଆହତ ହୋଇଥିବା କୁହାଯାଉଛି। ତେଲେଙ୍ଗାନାର ଆସୱାରାପେଟରୁ ଜାଙ୍ଗାରେଡିଗୁଡେମକୁ ଯାଉଥିବା ବସ୍‌ରେ ପ୍ରାୟ ୪୭ ଜଣ ଯାତ୍ରୀ ଥିଲେ। ରାଜ୍ୟ ମୁଖ୍ୟମନ୍ତ୍ରୀ ଓ୍ବାଇଏସ ଜଗନ ମୋହନ ରେଡ୍ଡୀ ମୃତ ପରିବାରକୁ ୫ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି।
ଏସପି କହିଛନ୍ତି ଯେ ବିପରୀତ ଦିଗକୁ ଆସୁଥିବା ଏକ ଟ୍ରକ୍‌କୁ ଏଡ଼ାଇବା ପାଇଁ ଏପିଏସଆରଟିସି ବସ ଡ୍ରାଇଭର ଗତିପଥ ବଦଳାଇବାକୁ ଚେଷ୍ଟା କରିଥିଲେ। ଜେଲେରୁ ନଦୀ ପାର୍ଶ୍ୱରେ ଥିବା ବ୍ରିଜ ରେଲିଂ ସହିତ ବସ୍‌ ମୁହାଁମୁହିଁ ହୋଇ ୨୫ ଫୁଟ ତଳେ ଥିବା କେନାଲରେ ପଡିଯାଇଥିଲା।