ଲାହୋର,୨୨।୫: ଭାରତର ଲୋକ ସଭା ନିର୍ବାଚନ ଫଳାଫଳ ପ୍ରତି ପାକିସ୍ତାନ ଉତ୍ସୁକତାର ସହିତ ଚାହିଁ ବସିଛି। ତେବେ କେନ୍ଦ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ପୁଣି ଥରେ ଗଠନ ହେଉ ଏହା ପାକିସ୍ତାନ ଚାହେଁନା। ମୋଦି ସରକାରଙ୍କ ଶାସନ ସମୟରେ ଅନୁପ୍ରବେଶ ତଥା ଆତଙ୍କବାଦ ବିରୋଧରେ ହୋଇଥିବା କାର୍ଯ୍ୟାନୁଷ୍ଠାନ ପାକିସ୍ତାନକୁ ପସନ୍ଦ ଆସିନାହିଁ। ଏହା ସହିତ ପାକିସ୍ତାନରେ ବାସ କରୁଥିବା ମସୁଦ୍ ଅଜହରଙ୍କୁ ବିଶ୍ୱ ଆତଙ୍କବାଦୀ ଘୋଷଣାରେ ଭାରତର ସଫଳତା ପାକିସ୍ତାନ ସହ୍ୟ କରିପାରି ନାହିଁ। ମୋଦି ପୁଣିଥରେ କ୍ଷମତାକୁ ଆସିଲେ ପାକିସ୍ତାନ ପାଇଁ ଅଡୁଆ ହେବାର ଆଶଙ୍କାରେ ଶଙ୍କାକିତ ହୋଇଛି ପ୍ରଧାନମନ୍ତ୍ରୀ ଇମ୍ରାନ୍ ଖାଁଙ୍କ ସରକାର।
