ସୁନ୍ଦରଗଡ଼,୮।୧(ଡି.ଏନ୍.ଏ.): କେନ୍ଦ୍ର ସରକାରଙ୍କ ଶ୍ରମିକ ମାରଣନୀତି ପ୍ରତିବାଦରେ ବୁଧବାର କେନ୍ଦ୍ରୀୟ ଶ୍ରମିକ ସଂଗଠନ ପକ୍ଷରୁ ଦିଆଯାଇଥିବା ଭାରତ ବନ୍ଦ ଡାକରା ପ୍ରଭାବ ସୁନ୍ଦରଗଡ଼ରେ ଦେଖିବାକୁ ମିଳିଛି। ଜିଲାରେ ଏଆଇଟିୟୁସି ନେତୃତ୍ୱରେ ବିଭିନ୍ନ ଶ୍ରମିକ ସଂଗଠନ ଏହି ବନ୍ଦ ଆନ୍ଦୋଳନରେ ସାମିଲ ହୋଇଛନ୍ତି। କଂଗ୍ରେସ ମଧ୍ୟ ଆନ୍ଦୋଳନକୁ ସମର୍ଥନ ଜଣାଇ ସାମିଲ ହୋଇଛି। କାଁ ଭାଁ ଦୁଇ ଚକିଆ ଓ ଅଟୋ ଚଳାଚଳକୁ ବାଦ୍ ଦେଲେ ଯାତ୍ରୀବାହୀ ବସ୍ ଓ ଅନ୍ୟାନ୍ୟ ଯାନବାହନ ଚଳାଚଳ ତଥା ଦୋକାନ ବଜାର ବନ୍ଦରହିଛି। ବ୍ୟାଙ୍କ, ଡାକ ବିଭାଗ କାର୍ଯ୍ୟାଳୟ ବନ୍ଦ ଥିବା ବେଳେ କଂଗ୍ରେସ ଓ ଶ୍ରମିକ ସଂଗଠନଗୁଡିକ କୋର୍ଟ ଓ ଅନ୍ୟାନ୍ୟ ସରକାରୀ କାର୍ଯ୍ୟାଳୟ ବନ୍ଦ କରି ଦେଇଛନ୍ତି। ହେମଗିରି ବସୁନ୍ଧରା, କୁଲଡ଼ା ଓ ଡୁଲିଙ୍ଗାକୋଇଲା ଖଣିରୁ ମଧ୍ୟ କୋଇଲା ପରିବହନ କାର୍ଯ୍ୟ ବାଧାପ୍ରାପ୍ତ ହୋଇଛି।
ଏଆଇଟିୟୁସି ରାଜ୍ୟ ସଭାପତି ଅଶୋକ ଦାଶ ଡାକ କର୍ମଚାରୀ ସଂଘର ହର୍ଷରାମ ପଟେଲ, ଶକ୍ତି ସିଂ, ରାଜୀବ ଗୌଡ଼, ଭୀଷ୍ମ ସେଠୀ, ମଳୟ ହୋତା, ହୀରା ବିଦ୍ୟୁତ୍ କର୍ମଚାରୀ ସଂଘର ଶତ୍ରୁଘ୍ନ ସାହୁ, ସର୍ବ ଭାରତୀୟ ବ୍ୟାଙ୍କ କର୍ମଚାରୀ ସଂଘର କିଶୋର ଧୁରୁଆ, ଶ୍ରୀପତି ମାଝି, ଜୀବନ ବୀମା କର୍ମଚାରୀ ସଂଘର ନିକୋଲାସ କୁଜୁର, ରତନ ବାଗ,ମୁନା ଶର୍ମା, ଆକାଶ ପଟେଲ, ସୁରେଶ ପଟେଲ, ଜିଲା କଂଗ୍ରେସର ରାଜ କିଶୋର ଷଡ଼ଙ୍ଗୀ, ବେଣୁମାଧବ ତ୍ରିପାଠୀ, ଦୁଷ୍ମନ୍ତ ନାଏକ ପ୍ରମୁଖ ଆନ୍ଦୋଳନରେ ସାମିଲ ଅଛନ୍ତି।