ଭବାନୀପାଟଣା,୪।୩(ଡି.ଏନ୍.ଏ.): କଳାହାଣ୍ଡି ଜିଲାର ବରିଷ୍ଠ ଓଏଏସ୍ ଅଧିକାରୀ ଡ. ନୃପରାଜ ସାହୁଙ୍କୁ ରାଜ୍ୟ ସରକାର କେବିକେ ଯୁଗ୍ମ ପ୍ରଶାସକ ଭାବେ ନିଯୁକ୍ତି ଦେଇଛନ୍ତି। କୋରାପୁଟଠାରେ ଥିବା କେବିକେ ପ୍ରଶାସକଙ୍କ କାର୍ଯ୍ୟାଳୟରେ ଯୋଗଦେବା ପାଇଁ ନିର୍ଦ୍ଦେଶ ଦିଆଯାଇଛି। ସେ ପୂର୍ବରୁ ଭୁବନେଶ୍ୱରଠାରେ ରାଜ୍ୟ ସରକାରଙ୍କ ଆଦିବାସୀ ଓ ହରିଜନ କଲ୍ୟାଣ ବିଭାଗର ଯୁଗ୍ମ ସଚିବ ଭାବରେ କାର୍ଯ୍ୟ କରୁଥିଲେ। ପୂର୍ବରୁ କେବିକେ ଡେପୁଟି ପ୍ରଶାସକ ପଦବୀ ଥିବା ବେଳେ ବର୍ତ୍ତମାନ ଯୁଗ୍ମ ପ୍ରଶାସକ ପଦବୀ ସୃଷ୍ଟି କରାଯାଇଛି। ତାଙ୍କ ନିଯୁକ୍ତି ନେଇ କଳାହାଣ୍ଡି ଜିଲାରେ ଖୁସିର ଲହରି ଖେଳିଯାଇଛି। ସେ କେବିକେର କଳାହାଣ୍ଡି ସମେତ ୮ଟି ଜିଲାରେ ଉନ୍ନୟନ କାର୍ଯ୍ୟ ଓ ବିଭିନ୍ନ ବିକାଶମୂଳକ ଯୋଜନାର କ୍ରିୟାନ୍ବୟନ ପାଇଁ ତ୍ୱରିତ ପଦକ୍ଷେପ ନେବେ ବୋଲି ସାଧାରଣରେ ଦାବି ହୋଇଛି।
