ଦୋଳି ଖେଳିବାକୁ ସମସ୍ତଙ୍କୁ ଭଲ ଲାଗେ। କେହି ନିଜ ଘରେ ଦୋଳି ଲଗାଉଥିବାବେଳେ ଆଉ କେହି ସ୍ଥାୟୀ ଦୋଳି ବ୍ୟବସ୍ଥା ଥିବା ପାର୍କ କିମ୍ବା ଅନ୍ୟ
ସ୍ଥାନକୁ ଯାଇଥାନ୍ତି। ଯଦି ଆପଣ ନିଜର ସଉକ ଅବା ଘରର ସୌନ୍ଦର୍ଯ୍ୟ
ପାଇଁ ଦୋଳି ଲଗାଉଛନ୍ତି ତେବେ ଜାଣନ୍ତୁ ସେ ନେଇ କିଛି ଟିପ୍ସ…
ଉଭୟ ଘର ଓ ଘର ବାହାରେ ଯଥା ବାଲ୍କୋନି କିମ୍ବା ଲନ୍ରେ ଲଗାଯାଉଥିବା ଦୋଳିର ଖୁବ୍ ଡିମାଣ୍ଡ ରହିଛି। ଘର ଭିତରେ ଲଗାଇବା ଲାଗି ଆପଣ ଟ୍ରାଡିଶନାଲ କାଠଦୋଳି ଆଣିପାରିବେ। ଆପଣ ଚାହିଁଲେ ବେତ କିମ୍ବା ଝୋଟ ଦୋଳି ବି ଲଗାଇପାରିବେ।
ଡେକୋରେଟିଭ୍ ସିଲ୍ଭର ପ୍ଲେଟେଡ୍ ଆଇରନ ଦୋଳି ଲଗାଇପାରିବେ।
ଇଣ୍ଟେରିୟରକୁ ଦେଖି ଏମିତି ସ୍ଥାନରେ ଦୋଳି ଲଗାନ୍ତୁ, ଯେଉଁଠାରେ ଆପଣ କିଛି ସମୟ ବସି ରିଲାକ୍ସ ହୋଇପାରିବେ। ଏଥିପାଇଁ ବାଲ୍କୋନି ବେଶି ଭଲ।
ମାର୍କେଟରେ ବିଭିନ୍ନ ଆକର୍ଷଣୀୟ ଡିଜାଇନ୍ର ଦୋଳି ବିକ୍ରି ହେଉଛି। ଯାହାକି ମୁଖ୍ୟତଃ ୭ରୁ ୯ ଫୁଟ ଉଚ୍ଚତାବିଶିଷ୍ଟ ଛାତ ପାଇଁ ପ୍ରସ୍ତୁତ କରାଯାଉଛି। ଯଦି ଆପଣଙ୍କ ଛାତର ଉଚ୍ଚତା ଏହାଠାରୁ ଅଧିକ ତେବେ ସେହି ହିସାବରେ ଆପଣ ଏକ୍ସଟ୍ରା କଡ଼ି ଲଗାଇପାରିବେ।
ଦୋଳି ଲଗାଇବା ପାଇଁ ବିଭିନ୍ନ ଡିଜାଇନର ଲୁହା ଷ୍ଟାଣ୍ଡ ମିଳୁଛି। ଆପଣଙ୍କ ବଜେଟ ଅନୁଯାୟୀ ଏହାକୁ କିଣି ଘରର ଲୁକ୍କୁ ଆହୁରି ଆକର୍ଷଣୀୟ କରିପାରିବେ।
ଅଧିକ ଉଚ୍ଚା କିମ୍ବା ନୀଚା ନ କରି ତଳଠାରୁ ୩ରୁ ୪ ଫୁଟ ଉଚ୍ଚରେ ହିଁ ଲଗାନ୍ତୁ। ବସିବାକୁ ଆରାମ ଲାଗିବ।
କାଠ, ଝୋଟ, ବେତର ଦୋଳି ଲଗାନ୍ତୁ ନାହିଁ। କାରଣ ବର୍ଷା ସଂସ୍ପର୍ଶରେ ଆସି ଏହା ନଷ୍ଟ ହୋଇଯାଏ। ବରଂ ଲୁହା ଦୋଳି ଏଥିପାଇଁ ଭଲ। ମନେରଖନ୍ତୁ ଏହାକୁ ଲଗାଇବା ପୂର୍ବରୁ ଭଲଭାବେ ପେଣ୍ଟ୍ କରନ୍ତୁ। ନଚେତ୍ ଏଥିରେ କଳଙ୍କି ଲାଗିବାର ଆଶଙ୍କା ରହିଛି।