ତାଳଚେର,୧୧ା୧୦(ନି.ପ୍ର.)- ଏମ୍ସିଏଲ୍ର ଭୁବନେଶ୍ୱରୀ କୋଇଲା ଖଣିରେ କୋଇଲା ପରିବହନକୁ ନେଇ ଦୁଇ ଗୋଷ୍ଠୀ ମଧ୍ୟରେ ଗୁରୁବାର ସନ୍ଧ୍ୟାରେ ମାରପିଟ ହୋଇଛି। ଏହାକୁ ନେଇ ଉଭୟ ପକ୍ଷ ତାଳଚେର ଥାନାରେ ଅଭିଯୋଗ କରିବା ସହ ଧାରଣା ଦେଇଛନ୍ତି। ଭୁବନେଶ୍ୱରୀ କୋଇଲା ଖଣିରେ ଟ୍ରକ୍ମାଲିକ ସଂଘର ଗାଡି କୋଇଲା ବୋଝେଇ ହେବା ପରେ ଅନ୍ୟଗାଡିରେ କୋଇଲା ବୋଝେଇ ହୋଇଥାଏ। ସନ୍ଧ୍ୟାରେ ୟୁଥ୍ ରୋଡ୍ ଲାଇନ୍ସର ସଦସ୍ୟମାନେ ସେମାନଙ୍କ ଟ୍ରକ୍କୁ ଆଗ କୋଇଲା ବୋଝେଇ କରିବାକୁ ଲାଇନ୍ରେ ରଖିଥିଲେ। ଏହାକୁ ଟ୍ରକ୍ମାଲିକ ସଂଘ ସଦସ୍ୟମାନେ ବିରୋଧ କରିଥିଲେ।