ପଦ୍ମପୁର,୧।୩(ଡି.ଏନ୍.ଏ.): ଭଦ୍ରକ ଜିଲା ନାୟକାଣିଡିହି ପୋଲିସ ଶନିବାର ବିଳମ୍ବିତ ରାତିରେ ଗେଡ଼ବାଟିଆ ହତାସିଆ ରାସ୍ତାରୁ ଏକ ଚୋରା କୋଇଲା ବୋଝେଇ ପିକ୍ଅପ ଗାଡ଼ି ଜବତ କରିଛି। ଏହା ସହ ଡ୍ରାଇଭର ଗଦଳା ଗ୍ରାମର ଶୈରଭ ସୁନ୍ଦର ନାୟକଙ୍କୁ ଗିରଫ କରିଛି।
ସୂଚନାଯୋଗ୍ୟ, ଶନିବାର ରାତିରେ ଜଗନ୍ନାଥ ପ୍ରସାଦ ପଞ୍ଚାୟତର ଗେଡ଼ବାଟିଆ ହତାସିଆ ରାସ୍ତାରେ ଉକ୍ତ ଗାଡିଟି ଯାଉଥିଲା। ଏହି ସମୟରେ ଏସ୍ଆଇ ଦିଲ୍ଲୀପ କୁମାର ଦେହୁରୀ, କନଷ୍ଟେବଳ କରୁଣାକର ମୁର୍ମୁ ଗାଡିକୁ ଅଟକାଇବାକୁ ଚେଷ୍ଟା କରିଥିଲେ। ମାତ୍ର ଡ୍ରାଇଭର ଗାଡିକୁ ନ ରଖି ଦ୍ରୁତଗତିରେ ଯାଉଥିବା ବେଳେ ସେମାନଙ୍କ ସନ୍ଦେହ ବଢ଼ିଥିଲା। ପରେ ସେମାନେ ପିଛାକରି ଗାଡ଼ିକୁ ଜବତ କରି ଡ୍ରାଇଭରଙ୍କୁ ଗିରଫ କରିଥଲେ।