ଭୁବନେଶ୍ୱର, ୯ା୧୨(ବ୍ୟୁରୋ): ତାମିଲନାଡ଼ୁର କୋଏମ୍ବାଟୁରରୁ ପଶ୍ଚିମବଙ୍ଗର ଆସନସୋଲ ମଧ୍ୟରେ ଭୁବନେଶ୍ୱର ଓ ଭଦ୍ରକ ଦେଇ ଚଳାଚଳ କରିବ ସ୍ପେଶାଲ ଟ୍ରେନ୍। କୋଏମ୍ବାଟୁରରୁ ଡିସେମ୍ବର ୨୮ ଏବଂ ଆସନସୋଲରୁ ଡିସେମ୍ବର ୩୦ ପର୍ଯ୍ୟନ୍ତ ଏହି ଟ୍ରେନ୍ ଚଳାଚଳ କରିବ। ଉଭୟ ଷ୍ଟେଶନ ମଧ୍ୟରେ ବ୍ରହ୍ମପୁର, ଖୋର୍ଦ୍ଧାରୋଡ଼, ଭୁବନେଶ୍ୱର, ନରାଜ ଓ ଭଦ୍ରକରେ ଏହା ରହଣି କରିବ। କୋଏମ୍ବାଟୁରରୁ ପ୍ରତି ଶନିବାର ଓ ଆସାନସୋଲରୁ ସୋମବାର ଏହି ସ୍ପେଶାଲ ଟ୍ରେନ୍ ଚଳାଚଳ କରିବ। କୋଏମ୍ବାଟୁରରୁ ଯାତ୍ରା ସମୟରେ ଭୁବନେଶ୍ୱରରୁ ରବିବାର ରାତି ୧.୫୦ ଓ ଭଦ୍ରକରୁ ଭୋର ୪.୧୫ରେ ଛାଡ଼ିବ। ସେହିପରି ଆସନସୋଲରୁ ଫେରିବା ସମୟରେ ଭଦ୍ରକରୁ ମଙ୍ଗଳବାର ରାତି ୩.୧୭ ଓ ଭୁବନେଶ୍ୱରରୁ ସକାଳ ୬.୨୦ରେ ଛାଡ଼ିବ ବୋଲି ରେଲଓ୍ବେ କର୍ତ୍ତୃପକ୍ଷଙ୍କ ପକ୍ଷରୁ ସୂଚନା ମିଳିଛି।