ବଲାଙ୍ଗୀର ଅଫିସ, ୧୫ା୫- ବଲାଙ୍ଗୀର ରେଲୱେ ଷ୍ଟେଶନ୍ରେ ଶନିବାର ୨ ଶ୍ରମିକ ସ୍ପେଶାଲ ଟ୍ରେନ୍ ଆସି ପହଞ୍ଚତ୍ବ। ତାମିଲନାଡୁର କୋଏମ୍ବାଟୁରରୁ ଆସୁଥିବା ସ୍ପେଶାଲ ଟ୍ରେନ୍ ପୂର୍ବାହ୍ନ ୧୦ଟା ୩୦ ମିନିଟ୍ରେ ବଲାଙ୍ଗୀର ଷ୍ଟେଶନ୍ରେ ପହଞ୍ଚତ୍ବ। ଏହି ଟ୍ରେନ୍ଟି ଓଡିଶାର ରାୟଗଡା, ବଲାଙ୍ଗୀର, ଭଦ୍ରକ ଓ ବାଲେଶ୍ୱର ଷ୍ଟେଶନ୍ରେ ଅଟକିବ ବୋଲି ଜଣାପଡିଛି। ସେହିଭଳି ଆନ୍ଧ୍ରପ୍ରଦେଶର କୁରନୁଲ ସିଟିରୁ ଆଉ ଏକ ଶ୍ରମିକ ସ୍ପେଶାଲ ଟ୍ରେନ୍ ଆସି ବଲାଙ୍ଗୀର ଷ୍ଟେଶନ୍ରେ ଅପରାହ୍ଣରେ ପହଞ୍ଚତ୍ବ। ଏହି ଟ୍ରେନ୍ଟି ବଲାଙ୍ଗୀର, ସମ୍ବଲପୁର, ଭଦ୍ରକ ଓ ବାଲେଶ୍ୱର ଷ୍ଟେଶନ୍ ପର୍ଯ୍ୟନ୍ତ ଯାତ୍ରା କରିବ । ଶନିବାର ଆସୁଥିବା ଏହି ଦୁଇ ଶ୍ରମିକ ସ୍ପେଶାଲ ଟ୍ରେନ୍ରେ ପ୍ରାୟ ୧୪୦୦ ପ୍ରବାସୀ ବଲାଙ୍ଗୀର ଷ୍ଟେଶନ୍ରେ ଓହ୍ଲାଇବେ ବୋଲି ଉପଜିଲାପାଳ ସଞ୍ଜୟ କୁମାର ମିଶ୍ର ସୂଚନା ଦେଇଛନ୍ତି। ଏହି ଦୁଇ ଟ୍ରେନ୍ ଆସିବା ପରିପ୍ରେକ୍ଷୀରେ ପୂର୍ବାହ୍ନ ୧୦ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ସହରର ନିର୍ଦ୍ଦିଷ୍ଟ ଅଞ୍ଚଳରେ କର୍ଫ୍ୟୁ ଲଗାଯିବ ବୋଲି ଉପଜିଲାପାଳ ମିଶ୍ର କହିଛନ୍ତି। ଏହି ଦୁଇ ଟ୍ରେନ୍ରେ ଆସୁଥିବା ପ୍ରବାସୀଙ୍କ ଆଗମନ, କ୍ୱାରାଣ୍ଟାଇନ୍ ସେଣ୍ଟର ଓ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରକୁ ପ୍ରତ୍ୟାଗମନ ପାଇଁ ସୁବ୍ୟବସ୍ଥା କରାଯାଇଛି।
