ନୂଆଦିଲ୍ଲୀ,୧୩।୯(ପି.ଟି.)- ସ୍ଥାନୀୟ ଫିରୋଜ ଶାହା କୋଟ୍ଲା ଷ୍ଟାଡିୟମ ଏବେ ଅରୁଣ ଜେଟ୍ଲୀ ଷ୍ଟାଡିୟମରେ ପରିଣତ ହୋଇଛି। ଦିଲ୍ଲୀ ଓ ଡିଷ୍ଟ୍ରିକ୍ଟ କ୍ରିକେଟ ଆସୋସିଏଶନ (ଡିଡିସିଏ) ଗୁରୁବାର ଆନୁଷ୍ଠାନିକ ଭାବେ ଏହି ଷ୍ଟାଡିୟମର ନାମ ପରିବର୍ତ୍ତନ କରିଛି। ଭାଜପା ନେତା ତଥା ପୂର୍ବତନ ଅର୍ଥମନ୍ତ୍ରୀଙ୍କ ସ୍ମୃତିରେ ଏହି ଷ୍ଟାଡିୟମର ନୂଆ ନାମକରଣ କରାଯାଇଛି। ଏ ନେଇ ଆୟୋଜିତ ରଙ୍ଗାରଙ୍ଗ ଉତ୍ସବରେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ୍ ଶାହ ଯୋଗଦେଇ ଜେଟ୍ଲୀଙ୍କ ପରିବାର ସଦସ୍ୟଙ୍କ ଉପସ୍ଥିତିରେ ନୂଆ ନାମିତ ଅରୁଣ ଜେଟଲୀ ଷ୍ଟାଡିୟମର ଉଦ୍ଘାଟନ କରିଥିଲେ।
କ୍ରିକେଟ ପ୍ରତି ଜେଟଲୀଙ୍କ ଭଲ ପାଇବା ଥିଲା। ଦୀର୍ଘ ୧୩ ବର୍ଷ ଧରି ସେ ଡିଡିସିଏର ଅଧ୍ୟକ୍ଷ ରହି ଆସିଥିଲେ। କୋହଲି, ରିଷଭ ପନ୍ତ, ଶିଖର ଧାଓ୍ବନ, ଆଶିଷ ନେହେରା ଓ ବୀରେନ୍ଦ୍ର ସେହ୍ବାଗଙ୍କ ଭଳି ବିଶ୍ୱସ୍ତରୀୟ ଖେଳାଳି ସୃଷ୍ଟି କରିବାରେ ତାଙ୍କର ଉଲ୍ଲେଖନୀୟ ଭୂମିକା ଥିଲା। କପିଳ ଦେବ, ଚୌହାନ ଏହି ଅବସରରେ ଜେଟଲୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।